મોરબી શહેરના સામા કાંઠા વિસ્તારમાં આવેલા પરશુરામ યુવા ગ્રુપ દ્વારા ભારતી વિદ્યાલય સામેના ગ્રાઉન્ડમાં શારદોત્સવનું આયોજન કરાયું હતું જેમાં બ્રહ્મ સમાજની બહેનો અને દીકરીઓ દ્વારા રાસ ગરબા કરવામાં આવ્યા હતા આ આયોજનમાં દીકરીઓ દ્વારા આકર્ષક તલવાર રાસ કરી હાજર મેદનીને મંત્ર મુગ્ધ કરી દીધી હતી. દીકરીઓએ માત્ર ચાર દિવસની પ્રેક્ટિસમાં આ રાસ તૈયાર કર્યો હતો, જેની સૌએ પ્રશંસા કરી હતી.
પરશુરામ યુવા ગ્રૂપના પ્રમુખ કૌશલભાઈ મહેતા, મહામંત્રી ધર્મેશભાઈ રાવલ અને વિશ્વાસભાઈ જોષી સહિતની ટીમે આ કાર્યક્રમનું આયોજન કર્યું હતું. આ કાર્યક્રમ મોરબીમાં ઉમા ટાઉનશીપ સામે, ભારતી વિદ્યાલય પાસે આવેલા માં નવરાત્રિના ગ્રાઉન્ડમાં યોજાયો હતો. રાસોત્સવમાં ભાગ લેનાર દીકરીઓને ઇનામો આપી પ્રોત્સાહિત કરવામાં આવી હતી.
