સોમવારે ભારતીય શેરબજાર ઘટાડા સાથે ખુલ્યા. સેન્સેક્સ અને નિફ્ટી બંને ઈન્ડેક્સની શરૂઆત લાલ નિશાન સાથે થઈ. કેટલાક વિદેશી શેરબજારમાં પણ મંદીનો માહોલ જોવા મળી રહ્યો છે. આ સાથે જ ભારતીય શેર બજારમાં ખુબ ઉતાર ચડાવ જોવા મળી રહ્યો છે. સેન્સેક્સમાં 200 અંકથી વધુનો ઘટાડો જોવા મળ્યો. જ્યારે નિફ્ટી પણ 80 અંકથી વધુ તૂટ્યો. આ સાથે લગભગ તમામ ઈન્ડેક્સ ઘટાડા સાથે ખુલ્યા છે.
આવી અસર: જૂનમાં એફપીઆઈએ 50,203 કરોડ રૂપિયાના શેર વેચ્યા હતા. માર્ચ 2022 બાદ આ સૌથી ઊંચું સ્તર છે. તે સમયે એફપીઆઈનો ઉપાડ 61,973 કરોડ રૂપિયા રહ્યો હતો. આ વર્ષે એફપીઆઈ ભારતીય શેરોમાંથી 2.21 લાખ કરોડ રૂપિયા કાઢી ચૂક્યા છે. આ અગાઉ 2008ના સમગ્ર વર્ષમાં તેમણે 61,973 કરોડ રૂપિયાનો ઉપાડ કર્યો હતો. એફપીઆઈની વેચાવલીના કારણે રૂપિયો પણ નબળો પડ્યો છે. હાલમાં રૂપિયો 79 રૂપિયા પ્રતિ ડોલરના સ્તરને પાર કરી ગયો છે.
