એસ્ટ્રેલ પાઇપ અને રત્નમણી મેટલ્સને ત્યાં આઇટીની કાર્યવાહીમાં ચાર કરોડની જ્વેલરી મળી છે. આ ઉપરાંત બસો કરોડના બિનહિસાબી વ્યવહારો પણ આઇટીને હાથે લાગ્યા છે. આવકવેરા વિભાગે એસ્ટ્રલ પાઇપના ચેરમેન સંદીપ એન્જિનિયર અને રત્નમણિ મેટલ્સના ચેરમેન પ્રકાર સંઘવીના ઠેકાણાઓ પર દરોડા પાડી તપાસ કરી હતી.
બીજી બાજુ મોનાર્ક શેર બ્રોકિંગ એજન્સીના ત્યાંથી પણ આયકર વિભાગને ઘણા આઈ.પી.ઓ અને તેની ભૂમિકા બીટકોઈનમાં જોવા મળી છે. આ તપાસમાં હજુ પણ વધુ કાળુ નાણુ અને અન્ય મોટા માથાઓની સંડોવણીની શક્યતા જોવાઇ રહી છે.શહેરમાં એસ્ટ્રલની કોર્પોરેટ ઓફીસ અને નારણપુરા અને વસ્ત્રાપુર વિસ્તારમાં આવેલી રત્નમણી મેટલ્સની ઓફીસ પર વહેલી સવારથી જ ITવિભાગની જુદી જુદી ટીમો દ્વારા સર્ચ ઓપરેશન હાથ ધરાયું છે. જેમાંઅમદાવાદ, મુંબઈ, દિલ્હીમાં મળી 40 લોકેશન ઉપર દરોડા પાડવામાં આવ્યા છે. આ દરોડામાં 50 થી વધુ અધિકારીઓ અને 100 થી વધુ કર્મચારીઓ સામેલ થયા હતા. (તસ્વીર પ્રતિકાત્મક છે)
