મોરબી તાલુકાના લુંટાવદર ગામની સીમ પીપળીયા ચાર રસ્તાથી લુંટાવદર ગામની વચ્ચે GJ-36-V-0171 નંબરની કારનો ચાલક તેની કાર પુરઝડપે અને ગફલતભરી રીતે ચલાવી જતો હોય તે સમયે સામેથી આવતી GJ-36-W-2568 નંબરની રીક્ષાને હડફેટે લઇ અકસ્માત સર્જ્યો હતો. જેમાં રીક્ષા ચાલક સોહિલભાઇ સલીમભાઇ ચાનીયા ઉ.વ.37 રહે.લુંટાવદર વાળાને બંને પગમાં તેમજ માથાના ભાગે તથા શરીરે ગંભીર ઇજા પહોંચતા તેનું ઘટના સ્થળે જ કમકમાટી ભર્યું મોત નીપજ્યું હતું. આ મામલે મૃતકના કાકાએ મોરબી તાલુકા પોલીસ મથકમાં તે કાર ચાલક વિરુદ્ધ ફરિયાદ નોધાવી છે.