દિવાળી તહેવારોને ધ્યાને લઇ રાજ્ય સરકાર દ્વારા દરેક જિલ્લામાં ફૂડ એન્ડ ડ્રગ વિભાગને ખાસ ડ્રાઈવ ચલાવી ચકાસણી કરવા આપેલી સૂચનના પગલે છેલ્લા ઘણા સમયથી ચેકિંગ કામગીરી ચાલી રહી છે ત્યારે મોરબી જીલ્લાના અલગ અલગ વિસ્તારોમાં છેલ્લા12 ઓક્ટોબરથી 23 ઓક્ટોબર દરમિયાન 70 જેટલી દુકાનોમાં તપાસ હાથ ધરવામાં આવી હતી. જેમાંથી 50 દુકાનોમાંથી નમૂના લેવામાં આવ્યા હતા. ઉપરાંત 108 કિલો અખાદ્ય સામગ્રીનો નાશ કરાયો હતો.
જેમાં નમકીન, ધી, મીઠાઈ, મસાલા, તૈયાર ખોરાક, ખાદ્યતેલ, દુધની બનાવટો વગેરે કેટેગરીના નમુના લેવામા આવેલ હતા. મોરબી તાલુકામાં 22 પેઢીની તપાસ કરવામા આવી હતી અને 15 નમુના લેવામા આવ્યા હતા. વાંકાનેર તાલુકામાં 15 પેઢીની તપાસ કરવામા આવી હતી.અને 12 નમુના લેવામા આવેલ હતા. હળવદ તાલુકામાં 12 પેઢીની તપાસ કરવામા આવી હતી અને 10 નમુના લેવામા આવ્યા હતા. ટંકારા તાલુકામાં 13 પેઢીની તપાસ કરવામા આવી હતી અને 08 નમુના લેવામા આવ્યા હતા, માળીયા તાલુકા માં 8 પેઢીની તપાસ કરવામા આવી હતી અને 05 નમુના લેવામા આવ્યા હતા.
