મોરબી જિલ્લાના માળિયા મિયાણા તાલુકાના તરઘરી ગામના સરપંચ સાગર ફૂલતરિયા સામે મોરબી એ ડીવીઝન પોલીસ મથકમાં વજેપર જમીન કૌભાંડમાં સંડોવણીની ફરિયાદ નોધાઇ હતી અને આ કેસમાં તે મોરબી જેલમાં બંધ હોય આ ઉપરાંત માળિયા મિયાણા પોલીસ મથક વિસ્તારમાં પણ એક બોગસ વારસદાર આધારે ખાતેદાર થવા અંગે નોધાયેલી ફરિયાદમાં મદદગારીમાં પણ સંડોવણી ખુલી હતી. એક સાથે અલગ અલગ બે પોલીસ મથકમાં સરપંચ  સાગર ફૂલતરિયાની સંડોવણી હોય તેમજ છેલ્લા દોઢ મહિના જેટલા સમયથી જેલમાં બંધ હોય ગત મહિનામાં ડીડીઓએ સાગરને આ કેસને ધ્યાને લઇ કારણ દર્શક નોટીસ પણ ફટકારી હતી આ નોટીસ બાદ ડીડીઓએ સાગર ફૂલતરીયાને સસ્પેન્ડ કરવા આદેશ કર્યો છે

Advertisement

Advertisement