અદાણી ગ્રુપના ચેરમેન ગૌતમ અદાણી ફરી એકવાર વિશ્વના ટોચના અબજોપતિઓની યાદીમાં બીજા નંબરે પહોંચી ગયા છે. તેણે ફોર્બ્સ અને બ્લૂમબર્ગ બંને રેન્કિંગમાં પોતાનું નંબર બે સ્થાન વધુ મજબૂત કર્યું છે. બ્લૂમબર્ગ રેન્કિંગમાં, ગૌતમ અદાણીએ જેફ બેઝોસને પછાડી બીજા નંબર પર આવી ગયા છે, જ્યારે ફોર્બ્સ રિયલ ટાઈમ રેન્કિંગમાં, અદાણીએ બર્નાર્ડ આર્નોલ્ટને પાછળ છોડી દીધા છે.
બ્લૂમબર્ગ બિલીનિયર ઈન્ડેક્સ પર નજર કરીએ તો મંગળવારે અદાણીની સંપત્તિમાં $1.75 બિલિયનનો વધારો થયો હતો. તેમની કુલ સંપત્તિ $150 બિલિયન હોવાનો અંદાજ છે. બીજી તરફ ફોર્બ્સની રિયલ ટાઈમ બિલિયોનેર લિસ્ટની વાત કરીએ તો મંગળવારે ગૌતમ અદાણીની સંપત્તિમાં 2 બિલિયન ડોલરનો વધારો થયો છે. હવે અદાણી અને તેમના પરિવારની નેટવર્થ $158.3 બિલિયન છે.
અબજોપતિ ગૌતમ અદાણી બંને લિસ્ટમાં બીજા નંબરે જ નથી પહોંચ્યા પરંતુ ત્રીજા સ્થાનેથી તફાવત વધી ગયો છે. ફોર્બ્સની વાસ્તવિક સમયની સૂચિ અનુસાર, બર્નાર્ડ આર્નોલ્ટે $1.7 બિલિયનની સંપત્તિ ગુમાવી છે અને તેમની કુલ સંપત્તિ $153.7 બિલિયન છે, જે તેમને ત્રીજા સૌથી અમીર વ્યક્તિ બનાવે છે.
