ગુજરાતના જામનગર શહેર નજીક એક પાંચ માળની હોટલમાં ગુરુવારે સાંજે ભીષણ આગ ફાટી નીકળતાં 27 લોકોને બચાવી લેવાયા હતા. પોલીસે આ માહિતી આપી હતી. જામનગર જિલ્લા પોલીસ અધિક્ષક પ્રેમસુખ ડેલુએ જણાવ્યું હતું કે આગને કારણે હોટલ સંપૂર્ણપણે બળીને ખાખ થઈ ગઈ હતી. જોકે આ ઘટનામાં કોઈને ગંભીર ઈજા થઈ નથી. પોલીસ અધિક્ષકે જણાવ્યું કે આગ સાંજે 7.30 વાગ્યાની આસપાસ શરૂ થઈ અને ઝડપથી ફેલાઈ ગઈ.
#WATCH | A fire broke out in a hotel in Gujarat's Jamnagar. Fire tenders present at the spot. More details awaited. pic.twitter.com/bxCPPe3Cec
— ANI (@ANI) August 11, 2022
આખોટેલના કુલ 36 રૂમમાંથી 18 રૂમમાં 27 લોકો રોકાયા હતા. પોલીસે તમામ 27 લોકોને બચાવ્યા હતા. હોટલનો તમામ સ્ટાફ પણ સંપૂર્ણપણે સુરક્ષિત છે. પોલીસ અધિકારીના જણાવ્યા અનુસાર પાંચ ફાયર ટેન્ડરોને તાત્કાલિક ઘટનાસ્થળે મોકલવામાં આવ્યા હતા. રાત્રે 10.30 વાગ્યાની આસપાસ આગ પર સંપૂર્ણ કાબુ મેળવી લેવામાં આવ્યો હતો. પોલીસ અધિક્ષકે કહ્યું કે પ્રાથમિક તપાસમાં જાણવા મળ્યું છે કે આગ શોર્ટ સર્કિટને કારણે લાગી હતી અને હોટલની બહાર ઉપયોગમાં લેવાતી સુશોભન સામગ્રીને કારણે તે ઝડપથી ફેલાઈ હતી.
