ભારતીય એર ફોર્સમાં કંઈક એવું થયું જે પહેલા ક્યારેય નથી થયું. હવાઈ દળની એવી તસવીર સામે આવી છે, જેની ચર્ચા આખા દેશમાં થઈ રહી છે. આ તસવીરને જોઈ અને તેના વિશે જાણીને પણ ગર્વ થશે.
બાપ દીકરીની જોડી: એક પિતા અને પુત્રીની જોડી પોતાની ખાસ ઉપલબ્ધિ માટે ચર્ચામાં છે. ફ્લાઈંગ ઓફિસર અનન્યા શર્મા પોતાના પિતા ફાઈટર પાઈલટની સાથે ઉડાન ભરનારી પહેલી ભારતીય પાઈલટ બની ગઈ છે. ભારતીય વાયુસેનાનું હોક-132 એરક્રાફ્ટ ઉડાડનારી પહેલી પિતા-પુત્રીની જોડી છે. પોતાના પિતાના પગલે ચાલતા અનન્યા શર્માએ એવી સિદ્ધિ મેળવી છે જેના પર તેના પિતાને પણ ઘણો ગર્વ છે.
શું કહ્યું એર કમોડરે: કમોડોર સંજય શર્મા અને તેમની દીકરી અનન્યા શર્માએ તારીખ 30 મેએ આ ઉડાન ભરી હતી. ભારતીય વાયુ સેનામાં પહેલી વખત આવું બન્યું છે અને પિતા-પુત્રીની જોડીએ ઈતિહાસ રચી દીધો છે. ભારતીય વાયુસેના મુજબ, કર્ણાટકના બીદરમાં એક હોક-132 એરક્રાફ્ટથી તેમણે ઉડાન ભરી. સોશિયલ મીડિયા પર પિતા અને પુત્રીની તસવીર વાયરલ થઈ રહી છે.
કોણ છે આ: અનન્યા શર્મા નાનપણથી એર ફોર્સના આ વાતવરણમાં જ ઉછરી છે. તે સમજણી થઈ અને પોતાના પિતાને ભારતીય વાયુસેનામાં ફાઈટર પાઈલટ તરીકે જોયા તે પછીથી તેણે બીજી કોઈ નોકરીની કલ્પના નહોંતી કરી. નાનપણમાં જે વિચાર્યું હતું એ જ આગળ જતા બન્યુ છે.
