IPL 2022માં આજે મુંબઈ ઈન્ડિયન્સ (MI)અને કોલકાતા નાઈટ રાઈડર્સ (KKR)વચ્ચે રમાશે. આ મેચમાં રવિ શાસ્ત્રીએ કોલકાતાને પોતાની ફેવરિટ ટીમ તરીકે પસંદ કરી છે. તેમણે મુંબઈનું તાજેતરનું રૂપ જોઈને આ નિર્ણય લીધો છે. તેમનું કહેવું છે કે પ્લેઈંગ ઈલેવનમાં માત્ર સૂર્યકુમાર યાદવની વાપસી જ આ મેચને રસપ્રદ બનાવી શકે છે. KKR એ MI સામે 29 મેચ રમી છે. જેમાંથી 22 મેચ હારી છે. જોકે મુંબઈ પહેલા જેવી મજબૂત આ વખતેની ટુર્નામેન્ટમાં દેખાઈ રહ્યું નથી.
IPL 2022ની હરાજીમાં તેના કેટલાક મુખ્ય ખેલાડીઓને ન ખરીદ્યા બાદ ટીમ થોડી નબળી દેખાઈ રહી છે. તેથી જ તેઓ ટૂર્નામેન્ટમાં સતત હારનો સામનો કરી રહી છે. સૂર્યકુમાર યાદવ અંગૂઠામાં હેરલાઈન ફ્રેક્ચરને કારણે ફેબ્રુઆરીથી ટીમની બહાર છે. તેણે KKR સામે 40.71ની એવરેજ અને 145.41ના સ્ટ્રાઈક રેટથી 285 રન બનાવ્યા છે. વધુ મહત્ત્વની વાત એ છે કે તે સ્પિન ખૂબ સારી રીતે રમે છે અને મુંબઈ માટે સુનીલ નારેન અને વરુણ ચક્રવર્તીની જોડીનો સામનો કરવા માટે મહત્ત્વની ભૂમિકા ભજવી શકે છે. શાસ્ત્રીએ કહ્યું, હા, હું કોલકત્તાને ફેવરિટ કહીશ કારણ કે મુંબઈ હજુ સુધી એકપણ મેચ જીતી નથી. જો સૂર્યકુમાર યાદવ રમશે તો મેચ વધુ રસપ્રદ બનશે. મુંબઈ ઈન્ડિયન્સ પણ જીતી શકશે. મુંબઈની ટીમ તરફથી હજુ સુધીના કોઈ મેચમાં આક્રમક બોલિંગ જોવા મળી નથી. તેની નિર્ભરતા માત્ર જસપ્રિત બુમરાહ પર જ હાલમાં દેખાઈ રહી છે. શાસ્ત્રીએ કહ્યું છે કે બુમરાહ અને KKR બંને બેટ્સમેન સારો દેખાવ કરવાનો પ્રયાસ કરશે.
જસપ્રિત બુમરાહ સામે ટીમ કેવી રીતે કરશે પ્લાન? તેઓ ચાર ઓવરમાં 25-26 રન બનાવ્યા બાદ વિકેટ આપવા નહીં માંગે. બીજી તરફ જસપ્રીત બુમરાહ પણ જાણે છે કે મુંબઈ ઈન્ડિયન્સનું અટેકિંગ એટલું સારું નથી, તેથી તે વિચારશે કે તેણે વિકેટ લેવાની છે. આવી સ્થિતિમાં, જો તે વધુ પ્રયત્નો કરે છે, તો સારી ટીમોને તેની સામે કોઈ વિકેટ ગુમાવ્યા વિના રન બનાવવાની તક મળશે. બુમરાહનો KKR સામે કોઈ ખાસ રેકોર્ડ નથી. ફાસ્ટ બોલરે કોલકાતા સામેની 14 મેચોમાં 28.27ની એવરેજથી 15 વિકેટ લીધી છે અને તેની ઈકોનોમી આઠથી વધુ છે. પેટ કમિન્સ મુંબઈ ઈન્ડિયન્સ સામેની મેચ પહેલા KKR ટીમમાં જોડાઈ ગયો છે.
ફોર્મમાં ચાલી રહેલો ઓસ્ટ્રેલિયન ટેસ્ટ કેપ્ટન પાકિસ્તાનના પ્રવાસને કારણે પ્રથમ ત્રણ મેચો ચૂકી ગયો હતો અને હવે તે કોલકાતા તરફથી રમવા માટે તૈયાર છે. શાસ્ત્રીએ ઉમેર્યું કે, મારા માટે તે વિશ્વનો સર્વશ્રેષ્ઠ ક્રિકેટર છે. જ્યારે હું કોચ હતો ત્યારે પણ હું મારા સપોર્ટ સ્ટાફને તેના વિશે કહેતો હતો. તે જે જવાબદારી લે છે, ફિટનેસ લેવલ, તે જે તીવ્રતા સાથે રમે છે, ટેસ્ટ મેચ હોય કે વનડે ક્રિકેટ, તે 200 ટકા આપે છે. તમને લાગશે કે તે થાકી ગયો હશે કે ગરમ હશે પણ ના,મેં આટલી એનર્જી અન્ય કોઈ ક્રિકેટરમાં જોઈ નથી અને જ્યારે હું ક્રિકેટરોની વાત કરું છું તો તેમાં બેટ્સમેન, ફિલ્ડર અને ઓલરાઉન્ડરનો સમાવેશ થાય છે. તે જ સમયે, જ્યારથી તે ઓસ્ટ્રેલિયાનો કેપ્ટન બન્યો છે, ત્યારથી તેનો રમવા પ્રત્યેનો જોશ ઔર વધી ગયો છે.
