મોરબી શહેરના માધાપર વિસ્તારમાં આવેલ જમીનમાં એક શખ્સને ગેરકાયદેસર કબજો જમાવી પચાવી પાડી છે જે અંગે મોરબી એ ડીવીઝન પોલીસ મથકમાં ફરિયાદ નોધવામાં આવી છે.બનાવ અંગે એ ડીવીઝન પોલીસે ગુન્હો નોધી કાયદેસર કાર્યવાહી હાથ ધરી હતી.
મોરબીના ધુનડા ગામમાં રહેતા કિશનભાઈ દિનેશભાઈ રંગપરીયાની માધાપર વિસ્તારમાં આવેલ માલિકીની સ્થાવર મિલકત માધાપર સર્વે નંબર 1230 ખાતા નંબર 904 વાળી ખેતીની ખેડવાણ જૂની જમીન પર આરોપી સવજીભાઈ કણઝારિયાએ તેનો ગેરકાયદેસર કબજો કરી પચાવી પાડી ગેરકાયદેસર ઉપયોગ કર્યો હોવાની કિશનભાઈ રંગપરિયા એ મોરબી એ ડીવીઝન પોલીસ મથકમાં ફરિયાદ નોંધાવી છે. મોરબી એ ડીવીઝન પોલીસે ગુજરાત જમીન પચાવી પાડવા પર પ્રતિબંધ અધિનિયમ મુજબ ગુન્હો નોંધી વધુ તપાસ હાથ ધરી છે
