સોમનાથ જેતપુર હાઈવે ઉપર વેરાવળ નજીક બેકાબુ થયેલી કારે ડિવાઈડર કુદાવી હવામાં ફંગોળાઈ જતા હાઈવે ઉપર ફિલ્મી કરતા પણ ભયંકર દ્રશ્યો સર્જાયા હતાં.
વેરાવળ નજીક આવેલા સોમનાથ-જેતપુર હાઈવે ઉપર એક બેકાબુ બનેલી કાર ડિવાઈડર સાથે અથડાઈને ચાર જેટલા ગોથા ખાઈ ગઈ હતી. ત્યારબાદ કાર રોડની બીજી તરફ જઈને પડી હતી. જો કે આ અકસ્માતમાં કોઈ નુકશાન નહીં થયું હોવાનું સામે આવ્યુયં છે. કોઈને અકસ્માત નડ્યો નહીં હોવાના કારણે આ અંગેની કોઈ પોલીસ ફરિયાદ પણ નોંધાઈ નથી.
આ ઘટનાના પગલે વેરાવળ હાઈવે ઉપર કોઈ ફિલ્મનું શુટીંગ થતું હોય તેવા દ્રશ્યો સર્જાયા હતા. આ બનાવ બાદ અકસ્માતના સ્થળે લોકોના ટોળા ઉમટી પડ્યાં હતાં. જો કે કોઈપણ પ્રકારની જાનહાની નહીં થતા લોકોએ પણ રાહતનો શ્વાસ લીધો હતો.
