કચ્છ, શનિવાર
વડા પ્રધાન નરેન્દ્ર મોદી ગુજરાતના કચ્છમાં ગુરુદ્વારા લખપત સાહિબ ખાતે ગુરુ નાનક દેવજીના ગુરુપર્વની ઉજવણી સમારોહમાં વર્ચ્યુઅલ રીતે સંબોધિત કરશે.વડાપ્રધાન કાર્યાલય (PMO) દ્વારા શુક્રવારે આ માહિતી આપવામાં આવી છે.
પીએમઓએ જણાવ્યું છે કે ગુરુપર્વ સમારોહ દરમિયાન પીએમ મોદીનું સંબોધન બપોરે લગભગ 12.30 વાગ્યે થશે. ગુજરાતની શીખ સંગત દર વર્ષે 23 ડિસેમ્બરથી 25 ડિસેમ્બર સુધી ગુરુદ્વારા લખપત સાહિબ ખાતે ગુરુ નાનક દેવજીની ઉજવણી કરે છે.આ પહેલથી શીખ સંપ્રદાય પ્રત્યે વડા પ્રધાન નરેન્દ્ર મોદીની ઊંડી શ્રદ્ધા દર્શાવે છે. તેમની શ્રદ્ધા અન્ય તાજેતરના પ્રસંગો પર પણ પ્રતિબિંબિત થઈ હતી, જેમ કે ગુરુ નાનક દેવજીના 550મા પ્રકાશ પરબ, ગુરુ ગોવિંદ સિંહજીના 350મા પ્રકાશ પરબ અને ગુરુ તેગ બહાદુરના 400મા પ્રકાશ પરબ.
PMO વતી શુક્રવારે એક નિવેદન જાહેર કરવામાં આવ્યું હતું, ‘વડાપ્રધાન નરેન્દ્ર મોદી 25 ડિસેમ્બર, 2021 ના રોજ, લગભગ 12.30 વાગ્યે, ગુજરાતના કચ્છ સ્થિત ગુરુદ્વારા લખપત સાહિબ ખાતે ગુરુ નાનક દેવ જીના ગુરુપૂર્વ સમારોહને વિડિયો કોન્ફરન્સિંગથી સંબોધિત કરશે.’ આગળ કહેવામાં આવ્યું કે, ‘ગુરુ નાનક દેવજી તેમની યાત્રા દરમિયાન લખપતમાં રોકાયા હતા. તેમની કેટલીક વસ્તુઓ ગુરુદ્વારા લખપત સાહિબમાં ખડાઉન અને પાલખી અને ગુરુમુખી લિપિ સહિતની હસ્તપ્રતો રાખવામાં આવી છે.
