અમદાવાદ,શનિવાર
દેવ પગલીએ રીલ્સની રેસમાં સિંગર બાદશાહને પણ પાછળ રાખી દીધા છે. હિન્દી સોંગ ‘ચાંદ વાલા મુખડા’ હાલમાં આખા દેશમાં ધૂમ મચાવી રહ્યું છે. આ હિન્દી ગીત ગાયું છે આપણા બે ગુજરાતી સિંગર્સ દેવ પગલી અને જિગર ઠાકોરે. આ જોડીએ ઇન્સ્ટાગ્રામ રીલ્સ બાબતે બાદશાહ, અક્ષય કુમાર સહિતના સ્ટાર અને સિંગર્સને પાછળ રાખી દીધા છે. આ સોંગની અત્યારસુધીમાં રેકોર્ડ બ્રેક 4.6 મિલિયન્સ રીલ્સ બની ચૂકી છે. બાદશાહના સોંગ ‘બચપન કા પ્યાર’ની ઇન્સ્ટાગ્રામમાં માત્ર 5 લાખ 85 હજાર જ રીલ્સ બની છે.
ગુજરાતી સિંગર્સની આ જોડીએ રીલ્સની રેસમાં બૉલિવૂડના ખેલાડી અક્ષય કુમારને પણ પાછળ રાખી દીધા છે. અક્ષય કુમારના Filhaal2 Mohabbatના સોન્ગ ‘ એક વાત બતાઓ તો યાદોં મેં મરતે હો’ની 2.1 મિલિયન્સ રીલ્સ બની છે, જે ‘ચાંદ વાલા મુખડા’ સોંગની એક જ મહિનામાં બનેલી 4.6 મિલિયન્સ રીલ્સની સંખ્યા કરતાં અડધી જ છે. આખા દેશમાં આ સોંગે ધૂમ મચાવી છે ત્યારે દેવ પગલી રાતોરાત સ્ટાર બની ગયા છે, આથી હવે દેવ પગલીએ પોતાની ફી જે અત્યારસુધી રૂ.1 લાખ હતી એ વધારીને રૂ. 25 લાખથી રૂ. 30 લાખ સુધીની કરી દીધી છે. આ સોંગે તેની આગળ રિલીઝ થયેલાં અત્યારસુધીના અન્ય જાણીતા સિંગર્સનાં સોંગને પણ રીલ્સ બનવાની બાબતે પાછળ રાખી દીધા છે. YouTubeમાં પણ આ સોંગને અત્યારસુધીમાં 45 મિલિયન્સ લોકો નિહાળી ચૂક્યા છે.
