મુંબઈ,શનિવાર
અલ્લુ અર્જુન અને રશ્મિકા મંડન્નાની બ્લોકબસ્ટર ફિલ્મ ‘પુષ્પા’ ગઈકાલે એટલે કે 17 ડિસેમ્બરે રિલીઝ થઈ છે. ફિલ્મે રિલીઝના પહેલા જ દિવસે શાનદાર કલેક્શન કર્યું હતું. ફિલ્મે શરૂઆતના દિવસે 45 કરોડનો બિઝનેસ કર્યો છે. ફિલ્મને દર્શકો તરફથી ખૂબ જ સારો પ્રતિસાદ મળી રહ્યો છે. દરમિયાન, દર્શકો એ જાણવાનો પ્રયાસ કરી રહ્યા છે કે આ ફિલ્મની સ્ટાર કાસ્ટ અને તેના નિર્દેશક સુકુમારને ફિલ્મ માટે કેટલું વળતર મળ્યું છે. તો ચાલો એક નજર કરીએ આ ફિલ્મ સાથે જોડાયેલા લોકોની ફી પર…
અલ્લુ અર્જુને આ ફિલ્મ માટે તગડી ફી લીધી છે. રિપોર્ટમાં કહેવામાં આવ્યું છે કે અલ્લુ અર્જુનને આ ફિલ્મની ફી તરીકે 50 કરોડ રૂપિયા મળ્યા છે. નેશનલ ક્રશ અને ફિલ્મની લીડ એક્ટ્રેસને આ ફિલ્મ માટે 8 થી 10 કરોડની ફી મળી છે. સમંથા રૂથ પ્રભુને ફિલ્મનું એક આઈટમ સોંગ કરવા માટે દોઢ કરોડ રૂપિયા મળ્યા છે. ફહાદ ફાસિલ મલયાલમ ફિલ્મ ઈન્ડસ્ટ્રીનો સુપરસ્ટાર છે. આ ફિલ્મમાં તેણે વિલનની ભૂમિકા ભજવી હતી. તેણે આ ફિલ્મ માટે સાડા ત્રણ કરોડ રૂપિયા ફી લીધી.
જાણીતી અભિનેત્રી અનસૂયા ભારદ્વાજે આ ફિલ્મમાં ખૂબ જ મજબૂત મહિલાનું પાત્ર ભજવ્યું છે. અનસૂયા ભારદ્વાજને ફિલ્મ માટે દોઢથી બે લાખ રૂપિયા પ્રતિ દિવસની શૂટ ફી આપી છે. નિર્દેશક સુકુમારે આર્યા જેવી બ્લોકબસ્ટર ફિલ્મો આપી છે. પુષ્પા ફિલ્મ માટે તેને 25 કરોડ રૂપિયાની ફી મળી છે. દેવી શ્રી પ્રસાદ ફિલ્મ પુષ્પાના સંગીતકાર છે. રિપોર્ટ અનુસાર, દેવીને આ ફિલ્મમાં સંગીત આપવા માટે લગભગ સાડા ત્રણ કરોડ રૂપિયા મળ્યા છે.
