મુંબઈ, ગુરુવાર
બોલિવૂડ સેલેબ્સનો કોરોનાની ઝપેટમાં આવવાનો સિલસિલો ખતમ નથી થઈ રહ્યો. બોલિવૂડ એક્ટર સોહેલ ખાનની પત્ની સીમા ખાન પહેલાથી જ કોરોના પોઝિટિવ છે. સીમા ખાન બાદ હવે તેનો 10 વર્ષનો પુત્ર પણ બુધવારે સંક્રમિત થયો હતો. આ પછી બીએમસીએ સાવચેતી રાખતા સોહેલ ખાનની પાલી હિલ બિલ્ડિંગનો ફ્લોર સીલ કરી દીધો છે.
અગાઉ, બીએમસીએ અભિનેતાની આખી ઇમારતને સીલ કરી દીધી હતી, જ્યાં સીમા ખાન અને તેના પુત્રો રહેતા હતા. સમગ્ર બિલ્ડિંગને સીલ કરવાના BMCના નિર્ણય પર પણ સવાલો ઉભા થયા હતા. કારણ કે 5 થી વધુ લોકોના કોરોના પોઝિટિવ આવ્યા પછી જ આખી હાઈરાઈઝ બિલ્ડિંગને સીલ કરી શકાય છે. નિયમો અનુસાર, જો ફ્લેટમાં બે કે તેથી વધુ લોકો સંક્રમિત જોવા મળે છે તો તે સંક્રમિત રહેઠાણને સીલ કરવામાં આવશે. જો 5 લોકોને ચેપ લાગશે તો ફ્લોર સીલ કરવામાં આવશે. જ્યારે 5 થી વધુ લોકો ચેપગ્રસ્ત જણાશે ત્યારે આખી ઇમારત સીલ કરવામાં આવશે. BMCના વેસ્ટર્ન સબર્બ્સના એડિશનલ કમિશનર સુરેશ કાકાણીએ પીટીઆઈને જણાવ્યું કે જ્યારે સેલિબ્રિટી રેસિડેન્સમાં પહેલો કેસ મળી આવ્યો ત્યારે અમે બિલ્ડિંગને કામચલાઉ રીતે સીલ કરી દીધું હતું. જેથી ત્યાં હાજર તમામ લોકોનો કોરોના ટેસ્ટ થાય. અમારી પાસે 100 રહેવાસીઓનું પરીક્ષણ કરવાનું કાર્ય હતું. તમામ સેમ્પલ લેવામાં આવ્યા હતા અને એક પણ પોઝિટિવ આવ્યો ન હતો. અમે આખી ઇમારત સીલ કરી નથી. તે થોડા કલાકોની વાત હતી.
