સ્પર્ધામાં બાળકોને બે રાઉન્ડ રમાડવામાં આવ્યા હતા અને ઓછા સમયમાં વધુ બિસ્કિટ ખાવાના આધારે વિજેતાઓ પસંદ કરવામાં આવ્યા હતા. સ્પર્ધાના અંતે ત્રણ બાળકોને વિજેતા જાહેર કરવામાં આવ્યા હતા.

કાર્યક્રમના અંતે શાળાના આચાર્ય હરેશભાઈ માણાવદરિયાએ પોષણ માસ અંતર્ગત બાળકોને સમતોલ આહાર અને પોષણ અંગે માર્ગદર્શન આપ્યું હતું. આ ઉપરાંત દેવજીભાઈ પડસુંબિયા, મહેશભાઈ વીસપરા, જયસુખભાઈ, રાજેશભાઈ વાધરિયા, દિનેશભાઈ મેંદપરા, પારૂલબેન અંબાણી અને શિલ્પાબેન દ્વારા આહાર તથા આરોગ્ય અંગે માહિતી આપવામાં આવી હતી.

બાળકોએ ઉત્સાહ અને આનંદ સાથે સમગ્ર કાર્યક્રમમાં ભાગ લીધો હતો. આ સ્પર્ધાનું આયોજન જી.એમ. સાંચલા દ્વારા કરવામાં આવ્યું હતું.