દક્ષિણ આફ્રિકા,ગુરુવાર
સમગ્ર વિશ્વમાં ફરી એકવાર કોરોનાનો ડર જોવા મળી રહ્યો છે. ફરી એકવાર ઘણા દેશો ટ્રાવેલ પ્રતિબંધ જેવા કડક નિર્ણયો લેતા જોવા મળી રહ્યા છે. ઘણા પ્રતિબંધો પાછા આવી રહ્યા છે, કારણ માત્ર એક છે -ઓમિક્રોન વેરિઅન્ટ.
દક્ષિણ આફ્રિકા ઓમિક્રોન સામે કેવી રીતે લડી રહ્યું છે ?
હવે આખી દુનિયા ઓમિક્રોનથી ડરી ગઈ હોય તેવું લાગી રહ્યું છે, પરંતુ દક્ષિણ આફ્રિકામાં સૌથી ખરાબ સ્થિતિ ચાલી રહી છે. આફ્રિકન દેશમાં મોટી સંખ્યામાં લોકો કોરોનાની ઝપેટમાં આવી રહ્યા છે. પરિસ્થિતિ વધુ ખરાબ છે. કારણ કે મોટાભાગના દર્દીઓ ઓમિક્રોન વેરિઅન્ટ્સથી સંક્રમિત દેખાય છે. સ્થિતિ કેટલી ચિંતાજનક છે, તેનો અંદાજ એ વાત પરથી લગાવી શકાય છે કે દક્ષિણ આફ્રિકામાં લેવલ વન લોકડાઉન લાદવામાં આવ્યું છે. બજારો બંધ છે, રસ્તાઓ નિર્જન છે અને લોકો ફરીથી તેમના ઘરની દિવાલોમાં કેદ જોવા મળી રહ્યા છે.
દક્ષિણ આફ્રિકામાં કુલ પાંચ પ્રકારના લોકડાઉન લાદી શકાય છે. આમાં, સૌથી કડક લોકડાઉન પાંચમી શ્રેણીનું માનવામાં આવે છે. આવી સ્થિતિમાં, દક્ષિણ આફ્રિકામાં હાલ લોકડાઉન 1 લાગુ કરવામાં આવ્યું છે. પરંતુ જો સ્થિતિ વધુ વણસે તો સરકાર વધુ કડકતા પર વિચાર કરી શકે છે. હાલ લોકડાઉનની પ્રથમ શ્રેણીથી લોકો પરેશાન થઈ રહ્યા છે. વેપારીઓ જણાવી રહ્યા છે કે તેમનો ધંધો ઠપ થઈ ગયો છે. નુકસાન પણ થઈ રહ્યું છે કારણ કે ઘણા દેશોએ દક્ષિણ આફ્રિકા પર ટ્રાવેલ પ્રતિબંધ લગાવી દીધો છે. અમેરિકા, કેનેડા, બ્રાઝિલ, થાઈલેન્ડ, ઓસ્ટ્રેલિયા, સિંગાપોર જેવા ઘણા દેશો આ યાદીમાં સામેલ છે. ડબ્લ્યુએચઓ ચોક્કસપણે આ પગલાની હિમાયત કરતું નથી, પરંતુ ઓમિક્રોનના ડરના લીધે ઘણા દેશો સમય પહેલા વધુ કડકતા બતાવી રહ્યા છે.
ભારત મદદ માટે આગળ આવ્યું
આવી સ્થિતિમાં દક્ષિણ આફ્રિકા ઘણા મામલામાં મુશ્કેલ સમયમાંથી પસાર થઈ રહ્યું છે. ત્યાં કોરોનાના વધુ કેસો આવી રહ્યા છે, પરંતુ તેનો સામનો કરવાની ક્ષમતા દેશમાં દેખાતી નથી. હોસ્પિટલો દર્દીઓથી ભરેલી છે, સારવાર લેવી પણ એક પડકાર બની ગયું છે. પરંતુ આ મુશ્કેલ સમયમાં, ભારત દક્ષિણ આફ્રિકાની મદદ માટે આગળ આવ્યું છે, જે તેના વતી દવાઓ, કોરોના કીટ, ટેસ્ટિંગ કીટ, વેન્ટિલેટર આપવા આપવા જઈ રહ્યું છે. આ બધા સિવાય ભારત દક્ષિણ આફ્રિકાને તેની સ્વદેશી રસી પણ આપી શકે છે.
