HomeGujaratયુવાનો માટે રોજગારીની મોટી તક: 16 મેના રોજ ટંકારા ITI ખાતે યોજાશે...

યુવાનો માટે રોજગારીની મોટી તક: 16 મેના રોજ ટંકારા ITI ખાતે યોજાશે ‘ઔદ્યોગિક ભરતી મેળો’

મોરબી જિલ્લાના બેરોજગાર યુવાનોને ખાનગી ક્ષેત્રમાં કારકિર્દી બનાવવાની ઉત્તમ તક મળી રહી છે. નિયામક, રોજગાર અને તાલીમના નિયંત્રણ હેઠળની રોજગાર વિનિમય કચેરી-મોરબી દ્વારા આગામી 16 મે, 2026ના રોજ ટંકારા ખાતે એક ‘ઔદ્યોગિક ભરતી મેળા’નું આયોજન કરવામાં આવ્યું છે. આ મેળામાં જિલ્લાની વિવિધ પ્રતિષ્ઠિત કંપનીઓ હાજર રહીને લાયકાત ધરાવતા ઉમેદવારોની વિનામૂલ્યે અને સીધી પસંદગી કરશે.

ભરતી મેળાનું સમયપત્રક અને સ્થળ:

  • તારીખ: 16/05/2026

  • સમય: સવારે 11 કલાકે

  • સ્થળ: આઈ.ટી.આઈ. (ITI) ટંકારા, રામદેવપીરના મંદિરની બાજુમાં, રાજકોટ – મોરબી હાઇવે.

લાયકાત અને વય મર્યાદા:

આ ભરતી મેળામાં ભાગ લેવા માટે ઉમેદવારોની ઉંમર 18 થી 35 વર્ષ વચ્ચે હોવી જરૂરી છે. શૈક્ષણિક લાયકાતમાં મોટો અવકાશ રાખવામાં આવ્યો છે, જેમાં:

  • ધોરણ-9 પાસ અને નોન-મેટ્રિક

  • એસ.એસ.સી (SSC) અને એચ.એસ.સી (HSC)

  • આઈ.ટી.આઈ (ITI) તેમજ સ્નાતક (Graduate) સુધીના તમામ ઉમેદવારો ભાગ લઈ શકે છે.

ઉમેદવારો માટે જરૂરી સૂચનાઓ:

રસ ધરાવતા અને યોગ્ય લાયકાત ધરાવતા ઉમેદવારોએ પોતાના ખર્ચે નિયત સમયે અને સ્થળે પહોંચવાનું રહેશે. ઉમેદવારોએ પોતાની સાથે નીચે મુજબના દસ્તાવેજો લાવવાના રહેશે: 1. તમામ શૈક્ષણિક લાયકાતના અસલ પ્રમાણપત્રો (Original Certificates)

2. શાળા છોડ્યાનું પ્રમાણપત્ર (LC)

3. પાસપોર્ટ સાઇઝના ફોટોગ્રાફ

4. બાયોડેટા / રિઝ્યુમની નકલો

ખાસ નોંધ: જે ઉમેદવારોએ અગાઉ રોજગાર કચેરી ખાતે નામ નોંધણી (Registration) નથી કરાવી, તેઓ પણ પોતાના જરૂરી દસ્તાવેજો સાથે આ ભરતી પ્રક્રિયામાં સીધા જ ભાગ લઈ શકશે. મોરબી જિલ્લાના લાયકાત ધરાવતા મહત્તમ યુવાનો આ સુવર્ણ તકનો લાભ લે તેવો અનુરોધ મોરબી જિલ્લા રોજગાર અધિકારી દ્વારા કરવામાં આવ્યો છે.

Advertisement
Advertisement
RELATED ARTICLES

Connected us

21,450FansLike
53,070FollowersFollow
3,710SubscribersSubscribe

TRENDING NOW