મોરબીના પંચાસર રોડ પાસે આવેલ મહાવીર નગરમાં પોતાના રહેણાંક મકાનમાં એક શખ્સ કોઈ પણ પ્રકારની ડીગ્રી વગર દર્દીઓની સારવાર કરતા હોવાની પોલીસને બાતમી મળતા પોલીસની ટીમ કલીનીક પર પહોચી હતી અને ડોક્ટર બનીને લોકોની સારવાર કરતા શખ્સ અશ્વીનભાઇ વેલજીભાઇ નકુમની પૂછપરછ કરી હતી અને તેની પાસે ડોકટરી પ્રમાણ પત્ર માગતા તે ન હોવાનું જણાવ્યું હતું. જેથી પોલીસે શખ્સની ધરપકડ કરી હતી. તેના વિરુદ્ધ મેડીકલ પ્રેકટીશનર એકટ 30,33 મુજબ ગુનો નોધી તેની પાસેથી એલોપેથીક દવાઓ, બાટલા, ઇન્જેક્શન સહિત કુલ કી.રૂ. 18,762નો મુદામાલ જપ્ત કરી ધોરણસરની કાર્યવાહી હાથ ધરી હતી.