મહિલાઓના અધિકારો અંગે સુપ્રીમ કોર્ટનો વધુ એક ઐતિહાસિક ચુકાદો આવ્યો છે. તમામ મહિલાઓને ગર્ભપાતનો અધિકાર છે પછી ભલે તે પરણિત હોય કે અપરણિત. તમામ મહિલાઓ સુરક્ષિત અને કાનૂની ગર્ભપાતની હકદાર છે. કોર્ટે મેડિકલ ટર્મિનેશન ઓફ પ્રેગ્નન્સી (એમટીપી) સંશોધન અધિનિયમ 2021ની જોગવાઈઓની વ્યાખ્યા કરતા આ ચુકાદો સંભળાવ્યો.
કોર્ટે સ્પષ્ટ કર્યું કે ફક્ત પરણિત જ નહીં પરંતુ અપરણિત મહિલાઓ પણ 24 અઠવાડિયા સુધી ગર્ભપાત કરાવી શકે છે. એટલે કે લિવ ઈન રિલેશનશીપ અને સહમતિથી બનેલી સંબંધોથી ગર્ભવતી થયેલી મહિલાઓ પણ ગર્ભપાત કરાવી શકશે. કોર્ટે સ્પષ્ટ કર્યું કે આ કાયદાની વ્યાખ્યા ફક્ત પરણિત મહિલાઓ સુધી સિમિત રહી શકે નહીં.
આજે મેડિકલ ટર્મિનેશન ઓફ પ્રેગનન્સી એક્ટ 3-Bની વ્યાખ્યા કરી છે. કોર્ટે સ્પષ્ટ કર્યું કે સંશોધન બાદ આ કાયદો ફક્ત વિવાહિત મહિલાઓ સુધી સિમિત નથી. આ અગાઉ સામાન્ય કેસોમાં 20 અઠવાડિયાથી વધુ અને 24 અઠવાડિયાથી ઓછા ગર્ભના ગર્ભપાતનો અધિકાર અત્યાર સુધી ફક્ત પરણિત મહિલાઓને જ હતો.
