છેલ્લી મેચમાં ટીમ ઈન્ડિયાએ ઓસ્ટ્રેલિયાને છેલ્લી ઓવરના પાંચમા બોલ પર 6 વિકેટથી હરાવ્યું હતું. હૈદરાબાદમાં આ મેચમાં વિજય સાથે, ભારતે શ્રેણી 2-1થી કબજે કરી હતી. ટીમ ઈન્ડિયાની જીતમાં ફરીથી અક્ષર પટેલની બોલિંગ ઉપરાંત સૂર્યકુમાર યાદવની જોરદાર બેટિંગ અને વિરાટ કોહલીની સીધી ઈનિંગે મહત્વની ભૂમિકા ભજવી હતી.
ભાગીદારી: વિરાટ કોહલી અને સૂર્યકુમાર યાદવ વચ્ચે ત્રીજી વિકેટ માટે સદીની ભાગીદારીના આધારે ભારતે રવિવારે હૈદરાબાદના રાજીવ ગાંધી ઇન્ટરનેશનલ સ્ટેડિયમમાં રમાયેલી ત્રીજી અને નિર્ણાયક T20 ઇન્ટરનેશનલમાં વર્લ્ડ ચેમ્પિયન ઓસ્ટ્રેલિયાને 6 વિકેટે કચડી નાખ્યું હતું. આ જીત સાથે ટીમ ઈન્ડિયાએ ત્રણ મેચની ટી20 શ્રેણી પણ 2-1થી જીતી લીધી છે. વિશ્વની નંબર વન ટીમ ઈન્ડિયાએ આ નિર્ણાયક મેચમાં ટોસ જીતીને પ્રથમ બોલિંગ કરવાનો નિર્ણય કર્યો હતો. જવાબમાં ઓસ્ટ્રેલિયાએ 7 વિકેટે 186 રન બનાવ્યા હતા જે ભારતે 19.5 ઓવરમાં 4 વિકેટ ગુમાવીને હાંસલ કરી લીધા હતા. 2021 થી રન ચેઝના સંદર્ભમાં T20I ક્રિકેટમાં 14 મેચોમાં ભારતની આ 13મી જીત છે. આ જીત સાથે ભારતીય ટીમે પોતાની ધરતી પર સતત 10 શ્રેણી જીતી છે.
ઓસ્ટ્રેલિયા તરફથી મળેલા 187 રનના ટાર્ગેટનો પીછો કરવા ઉતરેલી ભારતીય ટીમની શરૂઆત ખરાબ રહી હતી અને 30 રનના સ્કોર સુધી ટીમે પોતાના બંને ઓપનરોની વિકેટ ગુમાવી દીધી હતી. કેએલ રાહુલ અન્ય કેપ્ટન રોહિત શર્મા 17 રન બનાવીને આઉટ થયો હતો. જોકે, આ પછી સૂર્યકુમાર યાદવ અને વિરાટ કોહલીએ ત્રીજી વિકેટ માટે 62 બોલમાં 104 રનની સદીની ભાગીદારી કરીને ટીમને જીતની નજીક પહોંચાડી દીધી હતી. સૂર્યકુમારે 36 બોલમાં 5 ચોગ્ગા અને છ છગ્ગાની મદદથી 69 રનની ધમાકેદાર ઇનિંગ રમી હતી.સૂર્યકુમારના આઉટ થયા બાદ ભારતને જીતવા માટે છેલ્લી છ ઓવરમાં 53 રનની જરૂર હતી અને કોહલીએ પંડ્યા સાથે મળીને કાંગારૂઓનું કામ પુરું કર્યું. વિરાટે 48 બોલમાં 3 ચોગ્ગા અને 4 છગ્ગાની મદદથી 63 રનની શાનદાર ઇનિંગ રમી અને કારકિર્દીની 33મી અડધી સદી પૂરી કરી.
