ભારતમાં દર વર્ષે 1.5 લાખથી વધુ લોકો માર્ગ અકસ્માતમાં જીવ ગુમાવે છે. આ દરમિયાન કેન્દ્રીય મંત્રીએ માર્ગ અકસ્માત અંગે મોટી વાત કહી છે. વાસ્તવમાં, સરકારે હવે માર્ગ અકસ્માતોને ઘટાડવા માટે કમર કસી છે. કેન્દ્રીય માર્ગ અને પરિવહન મંત્રી નીતિન ગડકરીએ એક કાર્યક્રમ દરમિયાન દાવો કર્યો છે કે 2024ના અંત સુધીમાં દેશમાં માર્ગ અકસ્માતોની સંખ્યા અડધી થઈ જશે.
કેન્દ્રીય મંત્રીએ આપી માહિતી
નીતિન ગડકરીએ કહ્યું કે સરકારે હાઈવે પરથી બ્લેક સ્પોટ દૂર કરવા માટે અત્યાર સુધીમાં 25 હજાર કરોડ રૂપિયા ખર્ચ્યા છે. ઈન્દોરમાં આયોજિત એક કાર્યક્રમને સંબોધતા નીતિન ગડકરીએ કહ્યું કે દર વર્ષે લગભગ પાંચ લાખ માર્ગ અકસ્માતોમાં 1.5 લાખ લોકો જીવ ગુમાવે છે અને ત્રણ લાખથી વધુ ઘાયલ થાય છે. પરંતુ સરકાર આ બાબતથી વાકેફ છે અને સરકારે 2024ના અંત સુધીમાં અકસ્માતો અને મૃત્યુમાં 50 ટકા ઘટાડો કરવાની યોજના બનાવી છે.
માર્ગ અકસ્માતમાં ભારત મોખરે
માર્ગ અકસ્માતને કારણે થતા કુલ મૃત્યુમાં ભારતનો હિસ્સો સૌથી વધુ છે. વર્લ્ડ બેંકના 2021ના રિપોર્ટ અનુસાર, માર્ગ અકસ્માતમાં મૃત્યુમાં ભારત વિશ્વમાં સૌથી આગળ છે. અહીં તેની સંખ્યા 11 ટકા છે. કેન્દ્રીય મંત્રી નીતિન ગડકરીએ કહ્યું કે સરકાર આ અકસ્માતોને ઘટાડવા માટે તમામ પ્રયાસો કરી રહી છે.
25 હજાર કરોડનો ખર્ચ થશે
કેન્દ્રીય મંત્રી નીતિન ગડકરીએ કહ્યું છે કે સરકાર આ ઘટનાઓને અંકુશમાં લેવા માટે સતત પ્રયાસ કરી રહી છે. 2024 સુધીમાં રોડ અકસ્માતમાં અડધોઅડધ ઘટાડો કરવા માટે સરકાર હાઈવે પરથી બ્લેક સ્પોટ દૂર કરવા માટે જોરશોરથી કામ કરી રહી છે. બ્લેક-સ્પોટને રાષ્ટ્રીય ધોરીમાર્ગ પરના 500 મીટરના વિસ્તાર તરીકે વ્યાખ્યાયિત કરવામાં આવે છે, જ્યાં 3 વર્ષમાં પાંચ માર્ગ અકસ્માતો અથવા તે જ સમયગાળામાં 10 મૃત્યુ થયા છે.નીતિન ગડકરીએ કહ્યું કે બ્લેક સ્પોટ્સ દૂર કરવા માટે અત્યાર સુધીમાં 25,000 કરોડ રૂપિયા ખર્ચવામાં આવ્યા છે. વિશ્વ બેંક અને એશિયન ડેવલપમેન્ટ બેંકની મદદથી સરકાર 15,000 કરોડ રૂપિયાના અન્ય પ્રોજેક્ટ પર કામ કરી રહી છે.
