કચ્છ જિલ્લાના ક્રિક વિસ્તારમાં અવાર નવાર પ્રતિબંધિત ચરસ અને ગાંજા જેવા નશાયુકત પદાર્થની ઘુસણખોરી કરવાના પ્રયાસ કરવામાં આવતા હોય છે જોકે બીએસ એફની ટીમ દ્વારા સતત પેટ્રોલિંગ કરી આવાં પ્રતિબંધિત નશાયુકત પદાર્થની ઘુસણખોરીના પ્રયાસની નિષ્ફળ બનાવાય છે ત્યારે આજે ફરી એકવાર બીએસએફે પ્રયાસ નિષ્ફળ કર્યો હતો.તા. 29મી જુલાઈ 2022ના રોજ, BSF ભુજની એક પેટ્રોલિંગ પાર્ટીએ કોરી ક્રીક નજીક કુંડી બેટમાંથી ચરસના 10 પેકેટો જપ્ત કર્યા હતા. ઝડપાયેલા પેકેટના પેકેજિંગમાં ‘કોબ્રા બ્રાન્ડ કોહિનૂર બાસમતી ચોખા’ લખેલું છે. અગાઉ પણ 12 જૂન, 2022ના રોજ, BSFએ જખૌ કાંઠા અને ખાડી વિસ્તારમાંથી સમાન ચરસના પેકેટો મેળવ્યા હતા. એવું લાગે છે કે BSF અને અન્ય એજન્સીઓ દ્વારા જપ્ત કરાયેલા આ ચરસના પેકેટ પાકિસ્તાન તરફથી દરિયાના મોજામાં ધોવાઈ ગયા હતા અને ભારતના દરિયાકાંઠે પહોંચ્યા હતા. જાન્યુઆરી 2022 થી, BSF અને અન્ય એજન્સીઓ દ્વારા જખાઉ કાંઠા અને ખાડી વિસ્તારમાંથી 108 પેકેટો મળી આવ્યા હતા
