કેન્દ્ર સરકાર અનુસૂચિત જાતિ (SC) અને અનુસૂચિત જનજાતિ (ST) ના સભ્યોને પ્રમોશનમાં અનામત આપવા સહિત 8,089 અધિકારીઓને બઢતી આપવા તૈયાર છે. આ મામલાની જાણકારી ધરાવતા અધિકારીઓએ શુક્રવારે આ જાણકારી આપી. પ્રમોશનમાંથી કુલ 1,734 પોસ્ટ પ્રમોશનમાં અનામત હેઠળ આવરી લેવામાં આવી નથી, જ્યારે 5,032 બિન અનામત છે. સરકારે એસસી કેટેગરીમાં 727 અને એસટી કેટેગરીમાં 207ને બઢતી આપવાનો નિર્ણય કર્યો છે. 389 પોસ્ટ માટે વિગતો મળી શકી નથી.
પ્રમોશન પેન્ડિંગ: આમાંના ઘણા નિયમિત પ્રમોશન છ વર્ષથી વધુ સમયથી પેન્ડિંગ હતા. આ અંગે સત્તાધીશો દ્વારા સતત માંગ કરવામાં આવી હતી. સરકારમાં અન્ડર સેક્રેટરીના પદ સુધી પ્રમોશનમાં અનામત લાગુ પડે છે. કર્મચારી અને તાલીમ વિભાગે ગુરુવારે અનેક આદેશો જારી કર્યા હતા. એક અધિકારીએ નામ ન આપવાની શરતે હિન્દુસ્તાન ટાઈમ્સને જણાવ્યું હતું કે, “કેટલાક ઓર્ડર પહેલેથી જ જારી કરવામાં આવ્યા છે, જ્યારે અન્ય પ્રક્રિયામાં છે.”
બઢતી મળશે: કેન્દ્રીય સચિવાલય સેવા (CSS)માં લગભગ 4,734 અધિકારીઓ નિયમિત પ્રમોશન મેળવવા જઈ રહ્યા છે. જેમાં 1,757થી વધુ અધિકારીઓનો સમાવેશ થાય છે. 1,472 થી વધુ વિભાગ અધિકારીઓને અન્ડર સેક્રેટરીના પદ પર બઢતી આપવામાં આવી રહી છે, જે 2015 થી પેન્ડિંગ છે. ડેપ્યુટી સેક્રેટરીના રેન્ક પર 327 અને ડાયરેક્ટર સ્તરે 1,097 અધિકારીઓને પ્રમોશન મળશે.
