જામનગર મહાનગરપાલિકાની એક શાખામાં અધિકારી અને નીચલા વર્ગની મહિલા કર્મચારી ઓફિસમાં જ રંગરેલિયા મનાવતા સ્ટાફના હાથે પકડાઈ ગયાની ઘટનાએ ભારે ચકચાર જગાવી છે. આ બનાવથી અધિકારીઓ પણ ચોંકી ગયા હતા.
મહિલા આ વસ્તુ જોઈ ગઈ: નજરે જોનાર મહિલા કર્મચારીએ દેકારો બોલાવ્યો હતો. જેને માંડ માંડ શાંત કરવામાં આવી હતી. આ ઘટનાથી અધિકારીઓ પણ દોડી આવ્યા હતા. પરંતુ આમાં શું પગલા લેવા એ સવાલ ચર્ચામાં છે. મહાપાલિકાની આબરૂને ડાઘ લાગે એમ છે. એટલે જવાબદાર અધિકારીને ખખડાવીને તેને હાલ તો જવા દીધો છે. પરંતુ આ ઘટના જંગલમાં આગની જેમ ફેલાઈ ગઈ અને ચોતરફે આની ચર્ચાઓ શરૂ થઈ ગઈ છે.
આમ ભાંડો ફૂટ્યો: મહાનગરપાલિકામાં આવેલી ખૂબ જ વ્યસ્ત શાખામાં ખૂણામાં આવેલી એક ચેમ્બરમાં અધિકારી તેની જ મહિલા કર્મચારી કે જેને ગેરકાયદેસર રીતે પોતાની પાસે નોકરીમાં રાખીને બેઠા છે. તેની સાથે રંગરેલિયા મનાવતો હતો ત્યારે અન્ય મહિલા કર્મચારી કોઈ કામસર આ ચેમ્બરમાં જતા કઢંગી હાલતમાં રહેલા બંનેનો ભાંડાફોડ થયો હતો.
