દેશની સૌથી મોટી ધિરાણકર્તા સ્ટેટ બૅન્ક ઑફ ઇન્ડિયાએ એના માર્જિનલ કોસ્ટ ઑફ ફંડ આધારિત ધિરાણદરમાં તમામ મુદત માટે ૧૦ બેસિસ પૉઇન્ટ્સ અથવા ૦.૧૦ ટકાનો વધારો કર્યો છે, આ પગલું લોન લેનારાઓ માટે ઈએમઆઇ-માસિક હપ્તામાં વધારો કરશે. બૅન્ક દ્વારા અગાઉ પણ ૦.૧૦ ટકાનો વધારો થયો હોવાથી માત્ર એક જ મહિનાના ગાળામાં લોનના દરો ૦.૨૦ ટકા વધી ગયા છે
રિઝર્વ બૅન્ક દ્વારા આ મહિનાની શરૂઆતમાં અણધાર્યા વ્યાજદરમાં કરાયેલા વધારાને પગલે આ સુધારો કરવામાં આવ્યો છે. રિઝર્વ બૅન્કે રેપો રેટમાં વધારો ૦.૪૦ ટકાનો વધારો કરીને ૪.૪૦ ટકાનો દર કર્યો હતો અને જેના પર એ બૅન્કોને ટૂંકા ગાળાનાં નાણાં ધિરાણ આપે છે. રેપો રેટ વધતાં બૅન્કો ધિરાણના દરમાં પણ વધારો કરે છે.
