મોંઘવારીથી પરેશાન લોકો માટે રાહતના સમાચાર છે. તેની કિંમત આવનારા થોડા દિવસોમાં ઘટી શકે છે. ઉદ્યોગ નિષ્ણાતોનું કહેવું છે કે ગેસનું વિતરણ કરતી કંપનીઓએ કિંમતમાં ઘટાડો કર્યો છે. તેનાથી તેની કિંમતમાં ઘટાડો થવાની ધારણા છે. પણ સવાલ એ છે કે આ ભાવ ઘટાડાથી રિક્ષાચાલક કોઈ ભાડું ઘટાડશે ખરા?
ગુજરાતમાં સીએનજીનું વેચાણ કરતી બે મુખ્ય કંપનીઓ ગુજરાત ગેસના પ્રતિ કિલોના ભાવ રુ.82.16 છે જ્યારે અદાણી સીએનજીના ભાવ રુ. 82.59 છે. આગામી થોડા દિવસોમાં તેમાં 5-6 રૂપિયાનો ઘટાડો થઈ શકે છે. ગેઇલ મે મહિનાના બીજા ક્વાર્ટરમાં સિટી ગેસ કંપનીઓને $8.04 પ્રતિ એમએમબીટીયુના દરે કુદરતી ગેસ સપ્લાય કરશે. જે રાજ્યની માલિકીની છે. આનાથી કંપનીઓને CNGની કિંમતમાં પ્રતિ કિલો 5-6 રૂપિયાનો ઘટાડો કરવામાં મદદ મળી રહેશે.
સિટી ગેસ કંપનીઓ $6.10ના દરે ઘરેલું ગેસ ખરીદે છે. તદનુસાર, ગેઇલના ગેસની કિંમત ઊંચી છે પરંતુ તે આયાતી ગેસ કરતાં ઘણી ઓછી છે. દેશમાં CNGની માંગ વધી રહી છે અને ઘરેલુ ગેસ આ માંગને સંતોષી રહ્યો નથી. તેથી આ કંપનીઓએ ગેસની આયાત કરવી પડશે.
