સરકારી ઓઈલ કંપનીઓની નફાખોરી ફરી એકવાર આપણા ખિસ્સા પર બોજો વધારો કરી રહી છે. ડીસેમ્બરમાં ક્રુડના ભાવ ઘટ્યા હતા જે હિસાબથી ઓઈલ કંપનીઓએ પેટ્રોલ ડિઝલના ભાવ ઘટાડ્યા હોત તો આજે દેશમાં પેટ્રોલ 8 રૂપિયા અને ડિઝલ ૭ રૂપિયા પ્રતિ લીટર સસ્તું થયું હોવું જોઈએ આ પહેલા રાજ્ય અને કેન્દ્ર સરકારો વેટ અને એક્સાઈઝમાં ઘટાડો કરી પેટ્રોલ ડિઝલના ભાવમાં રાહત આપી હતી જેના કારણે દેશભરમાં 10 રૂપિયા સુધી ભાવ ઘટ્યા હતા મોટા ભાગના રાજ્યોએ વેટમાં ઘટાડો કરતા પેટ્રોલ ડિઝલ સસ્તું થયું હતું.
આ બાદ પણ આંતર રાષ્ટ્રીય ઘટનાક્રમને જોતા ક્રુડ ઓઈલની કિમત ઘટવાની શરુઆત થઇ ચુકી છે ક્રુડ નવેમ્બરમાં 80.64 ડોલર આસપાસ હતું જે ડીસેમ્બરમાં 73.30 પ્રતિ બેરલ થઇ રહ્યા છે દેશમાં પેટ્રોલ ડિઝલના ભાવ રોજ નક્કી થઇ રહ્યા છે આવા સમયે ભાવ ઘટાડવાનો સમય આવ્યો હતો સરકારી ઓઈલ કંપની રાહત આપવના બદલે નફાખોરી કરી રહી છે
રેટિંગ એજન્સી ઇક્રાના વાઈસ પ્રેસીડેન્ટ અને પેટ્રોલીયમ મામલાના વિશેષજ્ઞ પ્રશાંત વશિષ્ટના જણાવ્યા મુજબ કિમતની સમીક્ષાનો ઉદેશ હતો કે ક્રુડની કિમત ઝડપથી વધે તો પેટ્રોલ ડિઝલના ભાવ વધે અને ક્રુડ સસ્તું થાય તો ભાવ ઘટે અનેકવાર રાજકીય કારણોથી ભાવ ઘટાડવામાં આવે છે જેની ભરપાઈ કંપનીઓ પછી કરે છે.
ઓગસ્ટમાં જ્યારે ક્રૂડ ઓઈલ $3.74/બેરલ સસ્તું થયું ત્યારે કંપનીઓએ પેટ્રોલ માત્ર 65 પૈસા સસ્તું કર્યું. તે જ સમયે, જ્યારે સપ્ટેમ્બરમાં ક્રૂડ ઓઇલ $3.33/બેરલ મોંઘું થયું, ત્યારે પેટ્રોલ રૂ.3.85/લિટર મોંઘું થયું. નવેમ્બરમાં ક્રૂડ ઓઈલના ભાવમાં થોડો ઘટાડો થયો હતો, પરંતુ પેટ્રોલના ભાવ સતત વધી રહ્યા હતા. પેટ્રોલના ભાવમાં છેલ્લો ઘટાડો 5 સપ્ટેમ્બરે માત્ર 15 પૈસાનો હતો.
જો આપણે ઓઈલ કંપનીઓ IOCL, BPCL અને HPCLના સપ્ટેમ્બર ક્વાર્ટરના પરિણામો પર નજર કરીએ તો, કરવેરા પહેલા તેમનો નફો કોવિડ પહેલાના સ્તરથી 20 ગણો વધી ગયો છે. સપ્ટેમ્બર-2019માં IOCLનો નફો રૂ. 395 કરોડ હતો, જે સપ્ટેમ્બર 2021માં વધીને રૂ. 8370 કરોડ થયો હતો.
