મોરબી જિલ્લામાં બાગાયતી ખેતીને પ્રોત્સાહન આપવા અને પ્રાકૃતિક કૃષિનો વ્યાપ વધારવાના આશયથી જિલ્લા બાગાયત ખાતા દ્વારા ખેડૂત તાલીમ/શિબિરનું આયોજન કરવામાં આવ્યું હતું.
ગત તા. ૦૬/૧૦/૨૦૨૬ ના રોજ મોરબી તાલુકાના લક્ષ્મીનગર (જૂના સાદુળકા) ગામે યોજાયેલા આ કાર્યક્રમમાં બાગાયત ખાતાના અધિકારીઓ તથા કૃષિ વિજ્ઞાન કેન્દ્ર (KVK), ગોર ખીજડીયાના કૃષિ નિષ્ણાંતોએ વિશેષ ઉપસ્થિત રહીને ઉપસ્થિત ખેડૂતોને ઉપયોગી માર્ગદર્શન પૂરું પાડ્યું હતું.
આ શિબિર દરમિયાન બાગાયત ખાતાની નવીન યોજનાઓ, પ્રાકૃતિક ખેતી પદ્ધતિઓ, બાગાયતી પાકોમાં વૈજ્ઞાનિક પાક વ્યવસ્થાપન તેમજ રોગ-જીવાત નિયંત્રણ અંગેની સઘન અને વિસ્તૃત માહિતી આપવામાં આવી હતી. આ ઉપરાંત, ખેડૂતો બાગાયત ખાતાની વિવિધ સહાયલક્ષી યોજનાઓનો મહત્તમ અને સરળતાથી કેવી રીતે લાભ મેળવી શકે તે અંગે માહિતગાર કરવામાં આવ્યા હતા.
આ માર્ગદર્શન શિબિરમાં સ્થાનિક ખેડૂતોએ બોહળી સંખ્યામાં ઉપસ્થિત રહીને ઉત્સાહપૂર્વક ભાગ લીધો હતો, તેમ મોરબી નાયબ બાગાયત નિયામકની યાદીમાં જણાવાયું છે.
