વાંકાનેર તાલુકા પોલીસ મથક વિસ્તારના વાલાસણ ગામમાં વર્ષ 2020 ના સમયમાં એક હત્યા ની ઘટના બની હતી જે ઘટનામાં પોલીસ દ્વારા રજૂ કરાયેલા પુરાવા અને સાક્ષીઓ ના નિવેદનના આધારે આરોપીને મોરબી કોર્ટ દ્વારા કસૂરવાર ઠેરવવામાં આવ્યો હતો અને અલગ અલગ કલમો હેઠળ આજીવન કરાવાસ તેમજ રૂપિયા 26,000 નો દંડ ફટકારવમાં આવ્યો છે.
મળતી માહિતી મુજબ વાંકાનેર તાલુકાના વાલાસણ ગામ ના દેવીપુજક વિસ્તારમાં રહેતા પૂજાબેન રમણીકભાઈ ફુલતરીયા એ 23-8-2024 ના રોજ વાંકાનેર તાલુકા પોલીસ મથકમાં ફરિયાદ નોંધાવી હતી જેમાં તેઓએ જણાવ્યું હતું કે તેમના પિતા રમણીકભાઈ માતાજીના ભુવા હોય અને તેમની પાસે લોકો આસ્થાથી દાણા જોડાવા માટે આવતા હતા. આ પૈકી આરોપી વિક્રમ ગોરધનભાઈ ફુલતરીયા પણ તેમના પિતા પાસે દાણા જોડાવા માટે તેમના ઘરે આવ્યું હતું બનાવ સમયે તેમના પિતા રમણીક છત પર સુતા હતા જેથી આરોપી તેમના ઘરે પહોંચી ગુસ્સા પૂર્વક તેમના પિતાને ઉઠાડવાનો પ્રયાસ કરી ઝઘડો કર્યો હતો તેમ જ પોતાની પાસે રહેલી છરી વડે ફરિયાદી પૂજાબેન નાની બહેન કાજલ અને રમણીકભાઈ પર છરી વડે હુમલો કરી બીજા પહોંચાડી હતી. આ બનાવમાં કાજલ ને પેટના ભાગે ગંભીર ઇજા પહોંચતા તેનું મોત નીપજ્યુ હતું.
