દિલ્હીના લાલ કિલ્લા મેટ્રો સ્ટેશનના ગેટ નંબર 1 પાસે પાર્કિંગમાં પાર્ક કરેલી એક કારમાં અચાનક વિસ્ફોટ થયો. આગ એટલી ઝડપથી ફેલાઈ ગઈ કે નજીકના ત્રણ અન્ય વાહનો પણ બળી ગયા.
આ અકસ્માતમાં એક વ્યક્તિનું મોત થયું છે. વિસ્ફોટનું કારણ હજુ સ્પષ્ટ નથી. સમગ્ર દિલ્હીમાં હાઈ એલર્ટ જારી કરવામાં આવ્યું છે. માહિતી મળતાં જ ફાયર વિભાગની ટીમ ઘટનાસ્થળે પહોંચી ગઈ અને આગ પર કાબુ મેળવ્યો. ફાયર વિભાગના અધિકારીઓએ જણાવ્યું કે વિસ્ફોટના કારણની તપાસ કરવામાં આવી રહી છે.
પોલીસે સમગ્ર વિસ્તારને ઘેરી લીધો છે અને ફોરેન્સિક ટીમ ઘટનાસ્થળે હાજર છે. નજીકના CCTV ફૂટેજની તપાસ કરવામાં આવી રહી છે. વિસ્ફોટમાં 2-3 લોકો ઘાયલ થયાના અહેવાલ છે. દિલ્હી ફાયર વિભાગ અને દિલ્હી પોલીસની વિશેષ ટીમો ઘટનાસ્થળે છે. મેટ્રો સ્ટેશનની આસપાસના સમગ્ર વિસ્તારને ઘેરી લેવામાં આવ્યો છે. ફાયર વિભાગને 6:56 વાગ્યે આ વિસ્ફોટની માહિતી મળી હતી.
