વાંકાનેર તાલુકા પોલીસ ટીમ પેટ્રોલિંગમાં હોય તે દમિયાન ખાનગીરાહે મળેલ બાતમીના આધારે વાંકાનેરના લાકડધાર ગામે દરોડો પાડયો હતો. જ્યાં ગામની સીમમાં તળાવ પાસે પાવર હાઉસ સામે ખરાબમાં વેચાણ કરવાના ઈરાદાથી રાખેલ વિદેશી દારૂની બોટલ નંગ -52 કિં રૂ. 65,600 ના મુદ્દામાલ સાથે આરોપી ચેતનભાઈ મનસુખભાઇ અણીયારીયા રહે. લાકડધાર ગામ તા. વાંકાનેરવાળાને પોલીસે ઝડપી લીધો, જ્યારે અન્ય એક શખ્સ રામદેવસિંહ રહે. રાયસંગપરવાળો સ્થળ પર હાજર ન મળી આવતા પોલીસે તેને ફરાર બતાવી તે બંને આરોપીઓ વિરુદ્ધ વાંકાનેર તાલુકા પોલીસે પ્રોહીબીશન એક્ટ હેઠળ ગુનો નોંધી કાયદેસરની કાર્યવાહી હાથ ધરી છે.
