હળવદના જુના વેગડવાવ ગામે રહેતા નરેશભાઈ માંડણભાઈ ગોયલના રહેણાંક મકાનમાં ગત તા.-03/03/2025ના રોજ મકાનના રૂમમાં આવેલ પાછળની બારી તોડી કોઇ અજાણ્યા ઈસમે ઘરમાં પ્રવેશ કરી ફરીયાદીના ઘરના રૂમમાં તીજોરીમાં રાખેલ સોનાના દાગીના વજન આશરે 35 ગ્રામ કિ.રૂ.- 1,05,000 તથા ચાંદીના દાગીના વજન આશરે 500 ગ્રામ કિ.રૂ.- 25,000 મળી કુલ રૂપીયા.- 1,30,000ના મુદામાલની ચોરી કરી ગયા હતા. જે બાદ નરેશભાઈએ હળવદ પોલીસ મથકમાં ચોરી અંગેની ફરિયાદ નોંધાવી હતી, ફરિયાદ આધારે પોલીસે ગુનો નોંધી તપાસ હાથ ધરી છે.