મોરબી-રાજકોટ હાઇવે ઉપર ટંકારાના વિરપર ગામ નજીક કોઈ અજાણ્યા કાર ચાલકે GJ-36-W-2170 નંબરની રીક્ષાને ટક્કર મારતા રીક્ષા રોડની સાઈડના ડીવાઇડરમાં ઘુસી જતા રીક્ષા ચાલક રણજીતભાઈ ગણેશભાઈ ડાભી ઉ.37 રહે.બરવાળા તા.મોરબી વાળાને તેમજ રીક્ષામાં બેઠેલા બે મુસાફરોને ઇજાઓ પહોંચાડી હતી.આ અકસ્માત બાદ કાર ચાલક નાસી ગયો હતો અને એક મુસાફરને તો પગ કાપવો પડે તેવી હાલતમાં મુકાયો હોવાનું સામે આવ્યું છે. આ બનાવ અંગે ટંકારા પોલીસે ગુનો નોંધી કાર ચાલકની શોધખોળ હાથ ધરી છે.