મોરબીના ખાખરેચી ગામે રહેતા મુકેશભાઈ ઠાકરશીભાઈ ખાંભડીયા એ તેમની દીકરી પીનલ ઉ.વ.-3 વર્ષ અને તેની પત્ની મીનાબેન સાથે તેનું -GJ-03-CN-9331 નંબરનું બાઈક લઇ ખાખરેચીથી મોરબી તરફ જતા હતા. તે સમયે મોરબી તાલુકાના જુના સાદુળકા ગામની સીમમા માળીયા મોરબી હાઇવે રોડ પાસે GJ-39-T-9977 નંબરનું કન્ટેનર નો ચાલક પુરઝડપે ચલાવી આવી મુકેશભાઈના બાઈકને હડફેટે લેતા મુકેશભાઈને ઘટના સ્થળે જ કમકમાટીભર્યું મોત નીપજ્યું હતું, અને પત્ની તથા તેની દીકરીને ઈજા પહોચી હતી. આ બનાવ અંગે મુકેશભાઈની પત્ની મીનાબેને તે કન્ટેનર ચાલક વિરુદ્ધ મોરબી તાલુકા પોલીસ મથકમાં ફરીયાદ નોધાવી છે, પોલીસે ફરિયાદ નોધી તપાસ હાથ ધરી છે.