રાષ્ટ્રપતિ બિડેને કહ્યું કે અમેરિકા તેની લોકતાંત્રિક યાત્રાના સન્માનમાં ભારતના લોકો સાથે જોડાયું છે. સાથે જ કહ્યું કે અમેરિકા સત્ય અને અહિંસાના મહાત્મા ગાંધીના બતાવેલા માર્ગ પર ભારતના લોકોની સાથે ચાલી રહ્યું છે.તેમણે કહ્યું કે ભારતીય-અમેરિકન સમુદાયે અમેરિકાને વધુ સમાવેશી અને મજબૂત રાષ્ટ્ર બનાવ્યું છે અને આવનારા વર્ષોમાં વૈશ્વિક પડકારોનો સામનો કરવા માટે સાથે મળીને કામ કરવાનું ચાલુ રાખશે.
અમેરિકી રાષ્ટ્રપતિ જો બિડેને કહ્યું કે ભારતીય-અમેરિકનો સહિત વિશ્વભરના લોકો ભારતની આઝાદીની 75મી વર્ષગાંઠની ઉજવણી કરે છે, ત્યારે યુનાઇટેડ સ્ટેટ્સ ભારતના લોકો સાથે તેની લોકશાહી યાત્રાને સન્માનિત કરવા માટે જોડાયું છે. સાથે જ કહ્યું કે અમેરિકા સત્ય અને અહિંસાના મહાત્મા ગાંધીના બતાવેલા માર્ગ પર ભારતના લોકોની સાથે ચાલી રહ્યું છે.
આ વર્ષે ભારત અને અમેરિકા રાજદ્વારી સંબંધોની 75મી વર્ષગાંઠની પણ ઉજવણી કરી રહ્યા છે. ભારત-યુએસને અનિવાર્ય ભાગીદારો તરીકે વર્ણવતા, બિડેને વધુમાં જણાવ્યું હતું કે તેમની વ્યૂહાત્મક ભાગીદારી કાયદાના શાસન અને માનવ સ્વતંત્રતા અને ગૌરવને પ્રોત્સાહન આપવા માટે સહિયારી પ્રતિબદ્ધતા પર આધારિત છે. તેમણે કહ્યું કે અમારા લોકો વચ્ચેના ગાઢ બંધનથી અમારી ભાગીદારી વધુ મજબૂત બની છે. યુનાઇટેડ સ્ટેટ્સમાં જીવંત ભારતીય-અમેરિકન સમુદાયે અમને વધુ નવીન, સમાવેશી અને મજબૂત રાષ્ટ્ર બનાવ્યું છે.
