સપ્તાહના પ્રથમ કારોબારી દિવસે શેરબજારમાં ઉત્સાહનું વાતાવરણ છે. સોમવારે પ્રથમ ટ્રેડિંગ સેશનમાં શેરબજારમાં ઉછાળો જોવા મળ્યો હતો. સોમવારે બજાર ખુલતાની સાથે જ BSE સેન્સેક્સ 453 અંક વધીને 54214ને પાર કરી ગયો હતો. તે જ સમયે, નેશનલ સ્ટોક એક્સચેન્જનો નિફ્ટી 130 પોઈન્ટ વધીને 16180 પર પહોંચ્યો હતો.
IT ના શેરમાં તેજી: આઈટી શેરોમાં તેજી અને વૈશ્વિક ઈક્વિટી માર્કેટમાં મજબૂત ટ્રેડિંગને કારણે ભારતીય બજારમાં ખરીદી જોવા મળી રહી છે. ગયા અઠવાડિયે, 30 શેરો ધરાવતો BSE સેન્સેક્સ શુક્રવારે 344 પોઈન્ટ અથવા 0.65 ટકા વધીને 53,760 પર બંધ થયો હતો, જ્યારે NSE નિફ્ટી 110 પોઈન્ટ અથવા 0.69 ટકા વધીને 16,049 પર બંધ થયો હતો.
રોકાણકારોની પસંદગી: બધાની નજર HDFC, HDFC બેંક, ICICI અને જિંદાલ સ્ટીલના શેરો પર છે. રિલાયન્સ ઇન્ડસ્ટ્રીઝ અને વેદાંતના શેર પણ રોકાણકારોની પસંદગી રહે છે. એશિયન બજારોની વાત કરીએ તો શાંઘાઈ કમ્પોઝિટ ઈન્ડેક્સ 0.7% વધીને 3,251.54 પર પહોંચ્યો હતો. બીજી તરફ દક્ષિણ કોરિયાનો કોસ્પી 1.4 ટકા ઊછળીને 2,363 પર પહોંચ્યો હતો. SGX નિફ્ટી સહિતના એશિયન સૂચકાંકોમાં પ્રારંભિક તેજી સૂચવે છે કે વૈશ્વિક આર્થિક મંદી વચ્ચે આ સપ્તાહે બજાર તેજીમાં રહેશે.
સારો સંકેત: ગત સપ્તાહે ટ્રેડિંગ સેશનના અંતે HDFC બેન્કના કમાણીના ડેટા અને આંતરરાષ્ટ્રીય બજારમાં તેલના ભાવ ઘટીને બેરલ દીઠ $97ને બજાર માટે સારા સંકેત માનવામાં આવે છે.
