કાશ્મીરમાં અમરનાથની પવિત્ર ગુફા પાસે વાદળ ફાટવાના કારણે આવેલા પૂરમાં ભારે વિનાશ થયો છે. આ અકસ્માતમાં 15 શ્રદ્ધાળુઓના મોત થયા છે અને 40 લોકો લાપતા છે. મૃતકોમાં સાત મહિલાઓ અને 6 પુરૂષોનો સમાવેશ થાય છે. બંનેની ઓળખ હજુ સુધી થઈ શકી નથી. માનવામાં આવી રહ્યું છે કે મૃત્યુઆંક વધી શકે છે.
#WATCH | J&K: Visuals from lower reaches of Amarnath cave where a cloud burst was reported at around 5.30 pm. Rescue operation underway by NDRF, SDRF & other associated agencies. Further details awaited: Joint Police Control Room, Pahalgam
— ANI (@ANI) July 8, 2022
(Source: ITBP) pic.twitter.com/AEBgkWgsNp
સ્થળ પર હાજર એક અધિકારીએ જણાવ્યું કે લગભગ 40 લોકો ગુમ છે અને પાંચ લોકોને સુરક્ષિત રીતે બચાવી લેવામાં આવ્યા છે. લગભગ 15,000 શ્રદ્ધાળુઓને સુરક્ષિત સ્થળોએ ખસેડવામાં આવ્યા હતા. છે. અચાનક પૂરના કારણે 25 ટેન્ટ ધરાશાયી થયા છે. તેમજ ભક્તોને ભોજન પૂરું પાડવા માટે બનાવવામાં આવેલા ત્રણ સામુદાયિક રસોડાને પણ નુકસાન થયું હતું.
ભારતીય સેના દ્વારા રાહત અને બચાવ કામગીરી કરવામાં આવી રહી છે. સાથે જ ગુમ થયેલા લોકોને શોધવાનું કામ પણ ચાલી રહ્યું છે. 2 વોલ રડાર અને 2 સ્નિફર ડોગને પવિત્ર ગુફામાં લઈ જવામાં આવ્યા છે. તેઓને બચાવ કામગીરી માટે શરીફબાદથી હેલિકોપ્ટર દ્વારા ઘટનાસ્થળે લઈ જવામાં આવ્યા હતા.
Anguished by the cloud burst near Shree Amarnath cave. Condolences to the bereaved families. Spoke to @manojsinha_ Ji and took stock of the situation. Rescue and relief operations are underway. All possible assistance is being provided to the affected.
— Narendra Modi (@narendramodi) July 8, 2022
જમ્મુ અને કાશ્મીર પ્રશાસનના એક અધિકારીએ જણાવ્યું હતું કે દુર્ઘટનાને કારણે અમરનાથ યાત્રાને સ્થગિત કરવામાં આવી છે અને બચાવ કામગીરી પૂર્ણ થયા બાદ જ તેને પુનઃસ્થાપિત કરવાનો નિર્ણય લેવામાં આવશે. અમરનાથ યાત્રા 3 જૂને શરૂ થઈ હતી. નેશનલ ડિઝાસ્ટર રિસ્પોન્સ ફોર્સ (NDRF)ના મહાનિર્દેશક અતુલ કારવારે કહ્યું કે અમારી ત્રણ ટીમો એટલે કે 75 બચાવ કર્મચારીઓ બચાવ કાર્યમાં લાગેલા છે.
