ATM ફ્રોડના ઘણા કિસ્સાઓ તો સાંભળ્યા જ હશે, પરંતુ, જયપુર પોલીસે એક એવી ગેંગને પકડી છે, જેણે બધાને ચોંકાવી દીધા છે. આ ગેંગ તમારી નજર સામે તમારું એકાઉન્ટ ખાલી કરશે અને ખબર પણ નહીં પડે. છેતરપિંડી અને સતત લોકેશન બદલવા માટે ટેક્નોલોજીનો ઉપયોગ આ ગેંગનું મહત્વનું હથિયાર છે. જયપુર પોલીસે જ્યારે આરોપીઓની પૂછપરછ કરી તો તેઓ પણ છેતરપિંડી કરવાની રીત જાણીને આશ્ચર્યચકિત થઈ ગયા.
જયપુરના બગરુ પોલીસ સ્ટેશનમાં તારીખ 15 જૂને ATM ફ્રોડનો કેસ નોંધવામાં આવ્યો હતો. પીડિત મોહરુ રામ મીણાએ જણાવ્યું કે, ઓશીકા સ્ટેન્ડ પર એસબીઆઈ બેંકના એટીએમમાંથી પૈસા ઉપાડતી વખતે તેમના કાર્ડ સાથે છેતરપિંડી થઈ છે.
સીસીટીવી ચેક કર્યા: આ પછી પોલીસે સીસીટીવીમાંથી એકત્ર કરાયેલા પુરાવાના આધારે સોમવારે 4 બદમાશોની ધરપકડ કરી હતી. આ ટોળકીએ રાજસ્થાન, દિલ્હી, હરિયાણા, યુપી, ગુજરાત અને એમપી સહિત 6 રાજ્યોમાં 12 લાખની છેતરપિંડી કરી છે.
હાઇવે નજીક નિશાન: સ્વેપ મશીન, એટીએમના કાર્યો અને કાર્ડલેસ ટ્રાન્ઝેક્શન અંગેના વલણો આ આરોપીઓ મોટાભાગે હાઇવે નજીક આવેલા એટીએમમાં છેતરપિંડી કરે છે.
પોલીસ પણ ચોંકી ગઈ: પોલીસે જ્યારે છેતરપિંડીની પદ્ધતિ પૂછી તો અધિકારીઓ પણ આશ્ચર્યચકિત થઈ ગયા. અધિકારીઓનું કહેવું છે કે આ બદમાશો મદદના બહાને પીડિતાનું કાર્ડ હાથમાં લેતા હતા અને સેકન્ડોમાં બદલીને ત્યાંથી પસાર થઈ જતા હતા. આ દરમિયાન તેનો એક સાથી કાર્ડ યુઝરનો પિન નંબર જોતો હતો. યુઝરનું કાર્ડ બ્લોક થાય તે પહેલા જ તે સ્વેપ મશીનનો ઉપયોગ કરીને આખા પૈસા ઉપાડી લેતો હતો.
183 ATM કાર્ડ મળી આવ્યા: બદમાશોએ પૂછપરછ દરમિયાન રાજસ્થાન સહિત દિલ્હી, હરિયાણા, ઉત્તર પ્રદેશ, મધ્યપ્રદેશ અને ગુજરાતમાં ATM ફ્રોડ કર્યાની કબૂલાત કરી છે. ચોરી, છેતરપિંડી, NDPS, IT એક્ટ હેઠળ રાજસ્થાન ઉપરાંત અન્ય રાજ્યોમાં પણ ગેંગસ્ટરો વિરુદ્ધ ઘણા કેસ નોંધાયેલા છે.
કાર્ડ બદલી નાખતા: ટોળકીની એટીએમ કાર્ડ બદલવાની રીત પણ હોશિયાર છે. જેઓ એટીએમમાંથી પૈસા ઉપાડતી વખતે જ મશીનમાં આઈએમટી બટન દબાવશે. ટ્રાન્ઝેક્શન પૂર્ણ ન હોવાનું કહી તેઓ ખાતા માલિકની સામે ખૂબ જ આરામથી કાર્ડ અને પિન લઈને પૈસા ઉપાડી લેતા હતા.
