મુંબઈ,મંગળવાર
સોમવારે અંકિતા લોખંડે અને વિકી જૈનની સંગીત સેરેમની હતી જેમાં ઘણા સેલેબ્સ પહોંચ્યા હતા. જો કે, કંગના રનૌતે ફંક્શનની તમામ લાઈમલાઈટ લીધી હતી. કંગના અંકિતાને તેના ખાસ દિવસની શુભેચ્છા આપવા આવી હતી.
અંકિતા લોખંડે બોયફ્રેન્ડ વિકી જૈન સાથે જીવનની નવી સફર શરૂ કરી રહી છે. લગ્ન પહેલા અંકિતા અને વિકીના લગ્નનું દરેક ફંક્શન ખૂબ જ ભવ્ય બન્યું છે, જેના ફોટા અને વીડિયો સોશિયલ મીડિયા પર ખૂબ વાયરલ થઈ રહ્યા છે. પાર્ટીમાં એકતા કપૂર પણ પહોંચી હતી. સના મકબૂલે એકતા સાથેનો ફોટો શેર કર્યો છે. શ્રધ્ધા આર્ય પણ મિત્ર અંકિતાના સંગીતમાં પહોંચી હતી. આ દરમિયાન તે અભિનેત્રી દિગંગના સૂર્યવંશી સાથે જોવા મળી હતી.
એજાઝ ખાન ગર્લફ્રેન્ડ પવિત્રા પુનિયા સાથે પાર્ટીમાં પહોંચ્યો હતો. આ દરમિયાન બંને એકબીજામાં ખોવાયેલા જોવા મળ્યા હતા. અર્જુન બિજલાની, આસ્થા ગિલ અને સના મકબૂલ સાથે પાર્ટીમાં મસ્તી કરતો જોવા મળ્યો હતો. આ પાર્ટીમાં સિંગર બાદશાહ પણ સામેલ થયો હતો. આ દરમિયાન તેણે શાનદાર પરફોર્મન્સ આપ્યું હતું. દરેક તેના ગીતો પર ઝૂલતા જોવા મળ્યા હતા.
