ઓમિક્રોન કોરોના સંકટ છતાં ભારતીય ટીમ સાઉથ આફ્રિકાના પ્રવાસે છે. ટીમ ઈન્ડિયા આ રવિવારે મુંબઈમાં એકત્ર થશે, જ્યાં તે ચાર દિવસની ક્વોરેન્ટાઈનમાં જશે. મળતી માહિતી મુજબ, 16 ડિસેમ્બરે ટીમ ઈન્ડિયા સાઉથ આફ્રિકા માટે રવાના થઈ શકે છે. ભારતની પ્રથમ ટેસ્ટ મેચ 26 ડિસેમ્બરથી શરૂ થવાની છે.
ભારતના આ પ્રવાસ પર અગાઉ સસ્પેન્સ હતું, કારણ કે સાઉથ આફ્રિકામાં કોરોના સંકટ ઝડપથી ફેલાઈ રહ્યું હતું. જો કે, બીસીસીઆઈએ તમામ અફવાઓ પર પૂર્ણવિરામ મૂક્યું અને ત્રણ ટેસ્ટ, ત્રણ વનડે માટે પ્રવાસ કરવા માટે સંમત થયા. ખાસ વાત એ છે કે જ્યારે ટીમ ઈન્ડિયા સાઉથ આફ્રિકા પહોંચશે તો તમામ ખેલાડીઓએ પ્રવાસના અંત સુધી બાયો-બબલમાં રહેવું પડશે. ખેલાડીઓ લગભગ 50 દિવસ સુધી બાયો-બબલમાં રહેશે. હાલમાં જે ખેલાડીઓ ટેસ્ટ ટીમનો ભાગ છે તેઓ સાઉથ આફ્રિકા જશે. કારણ કે હજુ સુધી ODI ટીમની જાહેરાત કરવામાં આવી નથી.BCCIએ તાજેતરમાં દક્ષિણ આફ્રિકા પ્રવાસ માટે 18 સભ્યોની ટીમની જાહેરાત કરી હતી. ટેસ્ટ શ્રેણીમાં વિરાટ કોહલી ટીમનું નેતૃત્વ કરશે, જ્યારે રોહિત શર્માને વાઇસ કેપ્ટન બનાવવામાં આવ્યો છે.
ફોર્મ સાથે સંઘર્ષ કરી રહેલા અજિંક્ય રહાણેની ટેસ્ટ વાઇસ કેપ્ટનશિપ છીનવી લેવામાં આવી છે. ભારતીય ટીમની પ્રથમ મેચ સેન્ચુરિયનમાં 26મી મેચથી શરૂ થશે, બીજી મેચ 3 જાન્યુઆરીથી જોહાનિસબર્ગમાં રમાશે. જ્યારે ત્રીજી મેચ કેપટાઉનમાં 11 જાન્યુઆરીથી શરૂ થશે. ODI શ્રેણી 19 જાન્યુઆરીથી શરૂ થશે, બાકીની બે ODI 21 અને 23 જાન્યુઆરીએ રમાશે.
