કોમેડિયન ભારતી સિંહે પ્રેગ્નન્સીના સમાચારની પુષ્ટિ કરતા મિત્રો સાથે એક ફોટો શેર કર્યો છે. ભારતીએ પતિ હર્ષ લિમ્બાચીયા, જસ્મીન ભસીન અને અલી ગોની સાથે ચાહકોને સારા સમાચાર સંભળાવ્યા છે. ભારતી અને હર્ષ ટૂંક સમયમાં માતા-પિતા બનવાના છે. ફોટોમાં ભારતી સિંહને બેબી બમ્પ ફ્લોન્ટ કરતી જોઈ શકાય છે. તેના ચહેરા પર ચમક સ્પષ્ટ દેખાય છે.
તાજેતરમાં ભારતી સિંહ પોતાનું વજન ઘટાડવાને લઈને ચર્ચામાં આવી હતી. આ સાથે ભારતીએ સોશિયલ મીડિયા પર એક વીડિયો પણ શેર કર્યો છે, જેમાં તે ફેન્સને પોતાની પ્રતિક્રિયા બતાવતી જોવા મળી રહી છે. પ્રેગ્નેન્સી વિશે સાંભળ્યા બાદ ભારતીએ શું પ્રતિક્રિયા આપી, તે આ વીડિયોમાં જોઈ શકાય છે. વીડિયોમાં ભારતી ભાંગડા કરતી જોવા મળી રહી છે.ભારતી પહેલા તેના એક નજીકના મિત્રએ મીડિયામાં કોમેડિયનની પ્રેગ્નન્સીના સમાચાર આપ્યા હતા. તેમણે કહ્યું કે આ ખૂબ જ પ્રારંભિક તબક્કો છે. ભારતી તેના વર્ક કમિટમેન્ટમાંથી બ્રેક લઈને આરામ કરી રહી છે.
તે અત્યારે લો પ્રોફાઈલ બનવા માંગે છે અને તેથી જ તે વધુ સમય નથી ફરતી. સમાચાર અનુસાર, ભારતી ટૂંક સમયમાં જ થોડા દિવસોમાં પોતાનું કામ ફરી શરૂ કરશે. તે કપિલ શર્માના શોમાં જોડાવા જઈ રહી છે. બ્રેક પછી, ભારતી તેના ગેમ શો પર પણ ધ્યાન કેન્દ્રિત કરવા માંગે છે, જે થોડા અઠવાડિયામાં શરૂ થઈ શકે છે.
