શુક્રવારે સુપ્રીમ કોર્ટમાં પ્રદૂષણ મુદ્દે સુનાવણી હાથ ધરવામાં આવી હતી. આ દરમિયાન ઉત્તર પ્રદેશ સરકારે સુપ્રીમ કોર્ટને કહ્યું કે પાકિસ્તાનથી આવતી પ્રદૂષિત હવા દિલ્હીને અસર કરી રહી છે. યુપી સરકારની દલીલ છે કે યુપીના ઉદ્યોગોનો ધુમાડો દિલ્હી તરફ નથી આવતો, બીજી તરફ જાય છે.
CJIએ પૂછ્યું- તમે પાકિસ્તાનના ઉદ્યોગો બંધ કરી દીધાકરવા માંગો છો ?
વાસ્તવમાં સુનાવણી દરમિયાન કેટલીક હળવી ક્ષણો પણ આવી. યુપી સરકાર તરફથી હાજર રહેલા એડવોકેટ રણજીત કુમારે કહ્યું કે, અમારી તરફથી દિલ્હીમાં હવા આવી રહી નથી. આપણે પોતે પવનના પ્રવાહના ક્ષેત્રમાં છીએ. પાકિસ્તાન તરફથી પવન આવી રહ્યો છે. તે જ સમયે ચીફ જસ્ટિસ સીવી રમને મજાકના સ્વરમાં કહ્યું, તો પછી તમે પાકિસ્તાનના ઉદ્યોગો બંધ કરવા માંગો છો ?
સુનાવણી આગામી શુક્રવારે થશે
સુપ્રીમ કોર્ટે આ મામલે સુનાવણી આગામી શુક્રવાર સુધી મુલતવી રાખી છે. કોર્ટે યુપી સરકારને લાંબા સમય સુધી શેરડી એટલે કે ખાંડ અને દૂધની ફેક્ટરીઓ શરૂ કરવાની માંગ માટે ટાસ્ક ફોર્સ કમિટી સમક્ષ અરજી કરવા જણાવ્યું હતું. આ સિવાય સુપ્રીમ કોર્ટે દિલ્હી સરકાર દ્વારા બનાવવામાં આવી રહેલી હોસ્પિટલોના નિર્માણને ચાલુ રાખવાની મંજૂરી આપી હતી.
કોર્ટે પૂછ્યું- શું મજૂરોને આપવામાં આવ્યું હતું વળતર ?
કોર્ટે યુપી સરકારને પૂછ્યું કે જ્યારે બાંધકામ પર પ્રતિબંધ હતો ત્યારે તેમણે મજૂરોને ચૂકવવા માટે શું કર્યું? શું તેણે ચૂકવણી કરી? યુપી સરકારના વકીલે કહ્યું કે આ અંગે માહિતી મળ્યા બાદ તે આગામી સુનાવણીમાં કોર્ટમાં જણાવશે. દિલ્હી સરકારે પ્રદૂષણને લઈને ઉઠાવવામાં આવેલા પગલાંને લઈને સુપ્રીમ કોર્ટમાં એફિડેવિટ રજૂ કરી હતી. તેમાં કહેવામાં આવ્યું છે કે કમિશન CAQMની સૂચના પર કેન્દ્ર દ્વારા શાળાઓ ફરીથી ખોલવામાં આવી હતી. પરંતુ હવે જ્યાં સુધી પરિસ્થિતિમાં સુધારો નહીં થાય ત્યાં સુધી શાળાઓ ખોલવામાં આવશે નહીં. બીજી તરફ કેન્દ્રએ પણ પ્રદૂષણ સામે ઉઠાવવામાં આવેલા પગલા અંગે સુપ્રીમ કોર્ટને માહિતી આપી હતી. કેન્દ્રએ એફિડેવિટ ફાઈલ કરીને કહ્યું છે કે, અમે એક ટાસ્ક ફોર્સની રચના કરી છે, જે દરરોજ મળશે અને ફ્લાઈંગ સ્કવોડ તેને દરરોજ રિપોર્ટ કરશે. ટાસ્ક ફોર્સ પ્રદૂષણના મામલે જરૂરી પગલાં લેશે. કેન્દ્રએ કહ્યું કે ફ્લાઈંગ સ્ક્વોડ દિલ્હી અને એનસીઆર બંનેમાં કામ કરશે.
કોર્ટે ઠપકો આપ્યો હતો
દિલ્હી-એનસીઆરમાં પ્રદૂષણ મુદ્દે સુપ્રીમ કોર્ટમાં સતત સુનાવણી ચાલી રહી છે. આ પહેલા ગુરુવારે સુપ્રીમ કોર્ટે સ્કૂલ મુદ્દે દિલ્હી સરકારને ફટકાર લગાવી હતી. આ સાથે કોર્ટે કેન્દ્ર અને રાજ્ય સરકારોને ચેતવણી આપી હતી અને કહ્યું હતું કે અમે 24 કલાક આપી રહ્યા છીએ. પ્રદૂષણ પર સરકારોએ તાત્કાલિક પગલાં લેવા જોઈએ. અન્યથા અમે આદેશ જારી કરીશું. (તસ્વીર પ્રતિકાત્મક છે)
