મોરબીમાં જિલ્લા મેજિસ્ટ્રેટના જાહેરનામાનો ભંગ કરનાર સ્પા સંચાલક સામે પોલીસે કાર્યવાહી કરી છે. જૂના ઘૂંટુ રોડ પર ત્રાજપર ખારીના નાકે આવેલા શિવશક્તિ કોમ્પલેક્ષમાં કાર્યરત વેલકમ સ્પામાં એસઓજીની ટીમે સરપ્રાઈઝ ચેકિંગ હાથ ધર્યું હતું.
ચેકિંગ દરમિયાન સ્પામાં કામ કરતી બે મહિલા કર્મચારીઓનાં બાયોડેટા ફોર્મ સ્થાનિક પોલીસ સ્ટેશનમાં જમા કરાવ્યાં ન હોવાનું સામે આવ્યું હતું. ઉપરાંત, સીસીટીવી કેમેરાનું રેકોર્ડિંગ પણ નિયમ મુજબ જાળવવામાં આવ્યું ન હતું.
જાહેરનામાના ભંગ બદલ પોલીસે સ્પા સંચાલક શરદકુમાર ધર્મેન્દ્રભાઈ ભોરણીયા, ઉંમર ૨૭ વર્ષ, જે રાજકોટના સંત કબીર રોડના રહેવાસી છે, તેમની સામે કલમ ૨૨૩ હેઠળ ગુનો નોંધી સ્થળ પરથી જ અટકાયત કરી છે. હાલ આ મામલે પોલીસ દ્વારા વધુ તપાસ હાથ ધરવામાં આવી છે.
Advertisement
