મોરબીના દલવાડી સર્કલ પાસે આવેલી રોલા રાતડીયાની વાડી વિસ્તારમાં રહેતા દેવકરણભાઈ નારાયણભાઈ ડાભીએ પોતાની વહુ મનીષાબેન દિલીપભાઈ ડાભી સામે મોરબી એ-ડિવિઝન પોલીસ સ્ટેશનમાં ફરિયાદ નોંધાવી છે.
ફરિયાદ મુજબ આરોપી મહિલા તેમના પુત્રની પત્ની છે અને છેલ્લા કેટલાક સમયથી બંને વચ્ચે વારંવાર મતભેદ અને ઝગડા થતા રહેતા હતા. આ દરમિયાન પતિ-પત્ની વચ્ચે થયેલા ઝગડાનો ખાર રાખીને વહુએ દેવકરણભાઈને ગાળો આપી તેમજ જાનથી મારી નાખવાની ધમકી આપી હતી. આ ઉપરાંત રસોઈ બનાવવામાં ઉપયોગ થતી તપેલી વડે તેમના હાથમાં ઇજા પહોંચાડ્યાનો પણ આક્ષેપ કરવામાં આવ્યો છે.
આ મામલે દેવકરણભાઈ ડાભીએ પોલીસમાં અરજી આપતા મોરબી એ-ડિવિઝન પોલીસે આરોપી મહિલા સામે ગુનો નોંધ્યો છે અને વધુ તપાસ હાથ ધરી છે.
