સગીરા પર બળાત્કારના કેસમાં રાજસ્થાન હાઈકોર્ટમાંથી આઇપીએલ ચેમ્પિયન આરસીબીના ફાસ્ટ બોલર યશ દયાલને રાહત મળી નથી. જયપુરમાં જસ્ટિસ સુદેશ બંસલની કોર્ટે કહ્યું હતું કે, પીડિતા સગીર છે, તેથી ધરપકડ અને પોલીસ કાર્યવાહી રોકી શકાતી નથી. કોર્ટે કેસ ડાયરી મંગાવી છે. આગામી સુનાવણી 22 ઓગસ્ટે થશે.
ચર્ચા દરમિયાન ક્રિકેટરના વકીલ કુણાલ જયમાને કહ્યું- ગાઝિયાબાદમાં પણ એક છોકરીએ અમારી સામે બળાત્કારનો કેસ દાખલ કર્યો હતો. અલાહાબાદ હાઈકોર્ટે આ કેસ પર સ્ટે લગાવી દીધો હતો. એના 7 દિવસ પછી બીજી એક છોકરીએ જયપુરમાં કેસ દાખલ કર્યો. આ કેસમાં એક આખી ગેંગ સક્રિય છે. તેઓ આવા કેસ દાખલ કરીને બ્લેકમેલ કરવા માગે છે.સાંગાનેર પોલીસ સ્ટેશનના ઇન્ચાર્જ અનિલ જૈમને જણાવ્યું હતું કે, જયપુરની છોકરી ક્રિકેટ રમતી વખતે યશ દયાલના સંપર્કમાં આવી હતી. આરોપ છે કે લગભગ 2 વર્ષ પહેલાં જ્યારે તે સગીર હતી ત્યારે યશે તેને ક્રિકેટમાં કારકિર્દી બનાવવાનું વચન આપીને લલચાવીને તેના પર બળાત્કાર ગુજાર્યો હતો.
જૈમને કહ્યું હતું કે યશ દયાલ, જે IPL-2025 મેચ દરમિયાન જયપુર પણ આવ્યો હતો, તેણે છોકરીને સીતાપુરાની એક હોટલમાં બોલાવી અને ફરીથી તેના પર બળાત્કાર ગુજાર્યો. છોકરી પર પહેલીવાર બળાત્કાર થયો હતો. જ્યારે તે 17 વર્ષની હતી. આવી સ્થિતિમાં પોલીસે પોક્સો એક્ટ હેઠળ એફઆઈઆર નોંધી છે. યશ દયાલ અગાઉ પણ વિવાદોમાં રહી ચૂક્યા છે.
યશ દયાલે 2 વર્ષ પહેલાં પોતાના ઇન્સ્ટાગ્રામ એકાઉન્ટ પર મુસ્લિમ વિરોધી સ્ટોરી પોસ્ટ કરી હતી. જ્યારે વિવાદ વધ્યો ત્યારે તેણે સ્ટોરી ડિલિટ કરી દીધી. પાછળથી દયાલે સ્પષ્ટતા કરી હતી કે, ‘મારા ઇન્સ્ટાગ્રામ એકાઉન્ટ પરથી બે સ્ટોરી પોસ્ટ કરવામાં આવી હતી, પરંતુ હું સ્પષ્ટ કરવા માગું છું કે મેં બંને સ્ટોરી પોસ્ટ કરી નથી. ‘ક્રિકેટર યશ દયાલ પર જાતીય સતામણીનો આરોપ: પીડિતાએ કહ્યું- લગ્નમાં ફસાવવામાં આવી, 5 વર્ષથી રિલેશનશિપમાં હતી; ક્રિકેટરની પૂછપરછ કરાશે.
IPL ચેમ્પિયન RCBના ફાસ્ટ બોલર યશ દયાલ પર જાતીય સતામણીનો આરોપ મૂકવામાં આવ્યો છે. ગાઝિયાબાદના ઇન્દિરાપુરમમાં રહેતી એક યુવતીએ ઓનલાઈન પોર્ટલ પર ફરિયાદ નોંધાવી છે. યુવતીએ ક્રિકેટર યશ દયાલ પર લગ્નના બહાને શારીરિક અને માનસિક સતામણીનો આરોપ લગાવ્યો છે, જોકે આ ફરિયાદ પત્રમાં ક્રિકેટરનું નામ જણાવવામાં આવ્યું નથી.
