OTT પ્લેટફોર્મ અને વેબસીરિઝની દુનિયામાં સફળ થયેલી અભિનેત્રી સુષ્મિતા સેનનો વધુ એક લુક સામે આવ્યો છે. વેબ સીરિઝ ‘આર્યા’ની સફળતા બાદ આ જ નામથી બીજો ભાગો રીલિઝ થવાનો છે. જેનો એક નાનકડો વીડિયો તેણે પોતાના ઈન્સ્ટાગ્રામ પર શેર કર્યો છે. આ પોસ્ટમાં તેણે પોતાના ખતરનાક અંદાજનું એલાન કર્યું છે. સુષ્મિતા સેને એક વીડિયો શેર કર્યો છે. પૂર્વ મિસ યુનિવર્સનું એવું કહેવુ છે કે, ‘આર્યા’ની સીઝન 2 આવી રહી છે. આ સીરિઝ પહેલા કરતા વધારે ખતરનાક રહેશે.
હકીકતમાં સુસ્મિતા સેને વેબસીરિઝ ‘આર્યા-2’નો ફર્સ્ટ લુક શેર કર્યો છે. આ વીડિયો પોસ્ટ કરતાની સાથે તેણે લખ્યું છે કે, ‘લૌટ આઈ હૈ શૈરની.’ આવનારા ટૂંક સમયમાં આ વેબ સીરિઝ ડીઝ્ની પ્લસ હોટસ્ટાર પર જોવા મળશે. રામ માધવાણીએ આ વેબ સીરિઝનું ડાયરેક્શન કર્યું છે. ‘આર્યા’ની પહેલી સીઝન ખૂબ સફળ રહી છે. ફેન્સેને ખૂબ પસંદ પડી છે. આ સીરિઝમાં સુષ્મિતાના પાત્રને પણ પસંદ કરવામાં આવી રહ્યું છે. આ બીજા ભાગમાં આર્યાની સ્ટોરી આગળ વધતી જોવા મળશે.
#FirstLook ❤️ Sherni is back! This time,deadlier than ever! 👊🐾 Aarya’ll ready? 😉💃🏻 #HotstarSpecials #Aarya2 #ComingSoon only on @DisneyPlusHS @officialRMFilms @EndemolShineIND @RamKMadhvani @Amita_Madhvani #VinodRawat #KapilSharma #SiaBhuyan @RheaPrabhu 👏🤗❤️ pic.twitter.com/6K43NG3M6x
— sushmita sen (@thesushmitasen) November 12, 2021
‘આર્યા’ની બીજી સીઝન અંગે ડાયરેક્ટર રામ માધવાણીએ કહ્યું કે, પહેલી સીઝન વખતે લોકોને જે પ્રેમ મળ્યો એ ખૂબ સુખદ અનુભવ રહ્યો છે. આ પ્રેમને ધ્યાને લઈને ખૂબ જ મહેનત સાથે બીજી સીરિઝ તૈયાર કરી છે. ઈન્ટરનેશનલ એમી એવોર્ડમાં બેસ્ટ ડ્રામા કેટેગરીમાં આ શૉનું નોમિનેશન થયું છે. જે અમારામાં એક નવા વિશ્વાસનું સિંચન કર્યું છે. ‘આર્યા’ સીરિઝના બીજા ભાગમાં પહેલી સીઝનની સ્ટોરી આગળ વધશે. જે રજૂ કરવા માટે હું ખૂબ ઉત્સાહી છું.
