હળવદ શહેરમાં રહેતી એક યુવતી પોતાના ઘર તરફ જવા માટે પસાર થઈ રહી હતી તે દરમિયાન બે શખ્સો બાઈક લઈને આવ્યા અને એક શખ્સે યુવતીનો હાથ પકડી અને બીજા શખ્સે યુવતીના શરીરને સ્પર્શ કરી લાજ લૂંટવાનો પ્રયત્ન કર્યો હતો. પરંતુ યુવતીએ દેકારો કરતા તેનો ભાઈ આવી ગયો હતો. જ્યારે આરોપીઓએ યુવતીના ભાઈને મુંઢમાર મારી તેમજ યુવતીને ગાળો આપી ઢીકાપાટુનો પાર માર્યો હતો. જેથી કરીને બન્ને શખ્સો સામે ફરિયાદ નોંધાતા આરોપીઓની ધરપકડ કરી આગળની કાર્યવાહી હાથ ધરી છે.
હળવદ શહેરમાં એક યુવતી શેરીમાંથી પસાર થઈ રહી હતી અને તે દરમિયાન એકલતાનો લાભ લઈ અસબાજ મયુરદીન ફકીર અને અકબર ઉર્ફે કાળો સરફરાજ માણેકીયા રહે.બન્ને ભવાનીનગર ઢોરા વાળાએ યુવતી પસાર થઈ રહી હતી. ત્યાં બાઈક લઈને આવ્યા અને એક શખ્સે યુવતીનો હાથ પકડ્યો અને બીજા શખ્સે યુવતીના શરીરને સ્પર્શ કરી લાજ લૂંટવાનો પ્રયત્ન કર્યો હતો. જોકે યુવતીએ દેકારો કરી મુકતા તેનો ભાઈ ત્યાં આવી ગયો હતો અને જે વચ્ચે પડતા બન્ને શખ્સોએ યુવતી અને યુવતીના ભાઈને ગાળો આપી માર માર્યો હતો. જેથી કરીને હળવદ પોલીસે બન્ને સામે ગુનો નોંધી વધુ તપાસ હાથ ધરી હતી
