ગુડ્સ એન્ડ સર્વિસ ટેક્સ કલેક્શન એપ્રિલ 2022માં 1.68 લાખ કરોડના સર્વકાલીન ઉચ્ચ સ્તરે પહોંચી ગયું છે. રવિવારે એક નિવેદનમાં આ માહિતી આપતા નાણા મંત્રાલયે કહ્યું કે, ટેક્સ અનુપાલનમાં સુધારાને કારણે GST કલેક્શનના આંકડામાં સુધારો થયો છે. એપ્રિલ 2022 માં GSTR-3B માં કુલ 1.06 કરોડ GST રિટર્ન ફાઇલ કરવામાં આવ્યા હતા. એપ્રિલ 2021ની સરખામણીમાં એપ્રિલ 2022માં GST કલેક્શનમાં 20 ટકાનો વધારો થયો છે.
એપ્રિલમાં ગ્રોસ GST કલેક્શન 1.68 લાખ કરોડ રૂપિયાના રેકોર્ડ પર પહોંચી ગયું છે. આ માર્ચ 2022માં અગાઉના 1.42 લાખ કરોડના ઉચ્ચ સ્તર કરતાં લગભગ 25,000 કરોડ વધુ છે. મંત્રાલયે જણાવ્યું કે, એપ્રિલમાં GST કલેક્શન 1,67,540 કરોડ રૂપિયા હતું. જેમાં સેન્ટ્રલ GST CGSTનો હિસ્સો 33,159 કરોડ, રાજ્ય GST SGSTનો હિસ્સો 41,793 કરોડ અને સંકલિત GST IGSTનો હિસ્સો 1,939 કરોડ હતો. IGSTમાં માલની આયાત પર 36,705 કરોડ ઊભા થયા હતા.
તે જ સમયે, આમાં સેસનો હિસ્સો 10,649 કરોડ હતો. ટેક્સ એડમિનિસ્ટ્રેશને આ અંગે ઘણા પગલાં લીધા છે, જેના સકારાત્મક પરિણામો મળી રહ્યા છે. વિભાગે કરદાતાઓને સમયસર રિટર્ન ફાઇલ કરવા માટે પ્રોત્સાહિત કરીને કર અનુપાલનની સુવિધા પણ આપી છે.
